Të mërkurën, në datën 11 Nëntor në ambjentet e Bibliotech “Musine Kokalari”, ishte i ftuar Valer Pinderi, themelues i NetTrade Albania.
“Si nëpërmjet internetit një i ri siguroi të ardhmen e tij” ishte tema për të cilën u diskutua në këtë takim me të rinjtë. Pinderi tregoi për eksperiencën e tij të gjatë në biznesin online, ku u ndal te disa pika kyçe të cilat kishin ndikuar për mirë dhe për keq në ecurinë e tij drejt suksesit.
Valer Pinderi i ftuar në LiveME, ndiqe këtu
“ ’You have enough, you need enough, you are enough’ , ishte një shprehje që e dëgjova në një audiobook dhe më mahniti, sepse deri atëherë nuk kisha dëgjuar dikë tjetër të ma thoshte”. Kjo qe një indicie shumë e mirë për Valerin, i cili vazhdoi pas kësaj të bënte atë që donte me atë që kishte. Ai mendoi ndryshe nga të tjerët dhe përtej të zakonshmes duke nisur një biznes që ishte i panjohur deri në atë kohë në Shqipëri, Dyqan Taxi, e cila u kthye ndër platformat më popullore të shitjeve online. 2 vite më parë Dyqan Taxi merr një formë dhe një vizion të ri, duke u quajtur Aladini.
Ditën e djeshme u festua dhe 9-vjetori i kësaj platforme dhe i rrugëtimit të Valerit në sipërmarrje. Ai u përpoq që të gjithë përvojën e tij ta kthente në këshilla të vlefshme për sipërmarrësit e rinj. Valeri ndau me pjesëmarrësit një “formulë” për sukses, që ai e kishte krijuar në bazë të eksperiencës së këtyre viteve.
Ndiqe të plotë takimin me Valer Pinderin këtu
Ndër të tjera, Valeri tregoi për organizimin e Panairit Online të Librit, temë për të cilën do të flitet në episodin e radhës të LiveME Show & Podcast nga Kristi Kumria, ku i ftuar do të jetë vetë Valer Pinderi.
Ndiqni episodin e radhës të LiveME këtu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
