Kitara akustike ishte instrumenti kryesor, që përdorte Elvis Presley në studio dhe në skenë në mesin e viteve 1950.
Kitara akustike Martin D-18 e vitit 1942 e “Mbretit” të muzikës rock and roll Elvis Presley, u shit në ankand për 1.32 milionë dollarë.
Elvis e mbante këtë kitarë prej fillimit të karrierës së tij dhe e quante atë “Sessions Sun” sepse e përdori në studiot ikonike të “Sun” në Memfis për të regjistruar disa nga këngët më të njohura mes të cilave “That’s All Right (Mama)”, “Blue Moon of Kentucky” e “Good Rockin’ Tonight”.
Elvis e kishte blerë kitaren nga dyqani i pianove “O.K. Houck’s” në Memphis. Ai e dekoroi trupin e instrumentit me shkronja metalike të cilat formuan emrin e tij “ELVIS”. Shkronjat “ELVI” mbetën ndërsa “S-ja” mungon.
Çmimi përfundimtar nuk arriti vlerësimin origjinal prej 2 – 3 milionë dollarë të vendosur nga shtëpia e ankandit. Identiteti i blerësit nuk është bërë i ditur. Kitara D-18 është aktualisht në ekspozitë në Rock & Roll Hall of Fame në Cleveland dhe u paraqit në ekspozitën e Play It Loud: 2019 të Instrumenteve të Rock & Roll në Muzeun Metropolitik të Artit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
