Nga kjo fundjavë në mesditë, pra 25 Prill, GjirafaKids, nis quiz-in interaktiv e edukativ për fëmijë i quajtur KidsTap.
Projekti i ri vjen nga Gjirafa dhe Save the Children, për të argëtuar dhe edukuar fëmijët gjatë kësaj periudhe izolimi.
KidsTap është quiz interaktiv për fëmijë, ku çdo të shtunë fëmijët 6 – 13 vjeç mund të luajnë përmes pajisjeve inteligjente. Çdo edicion i KidsTap do të ketë një temë edukative, ku fëmijët do t’u përgjigjen dhjetë pyetjeve me nga katër alternativa, të përgatitura me kujdes nga Gjirafa dhe Save the Children.
Lexo: Gjirafa Inc. dhe Cacttus Education nënshkruajnë marrëveshje bashkëpunimi
Quizi gjithashtu do të moderohet nga një vajzë, ndërsa pritet të ketë surpriza.
KidsTap është projekti i parë që lancohet nga gjirafaKIDS. Platforma do të jetë ekzkluzive me përmbajtje për fëmijët. Përfaqësuesit e Gjirafës tregojnë se presin edhe shumë projekte të reja.
Autoriët sigurojnë se materialet do të jenë të përshtatshme për fëmijë dhe ata mund të lundrojnë pa hasur në materiale sensitive. Ndërkohë, prindërve u takon të vendosin në çfarë përmbajtje dëshirojnë që fëmijët të kenë qasje dhe për sa kohë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
