Keni makinë të vjetër? Qeveria do ju japë para për të blerë një të re


Të gjithë drejtuesit e mjeteve në Shqipëri që kanë një makinë të vjetër, do të ndihmohen me ndihmë ekonomike nga Qeveria për të blerë një automjet të ri. Kjo është skema e re e subvencionimit të Qeverisë, si një rrugëzgjidhje për të ulur nivelin e ndotjes në vend. Ndihma ekonomike do të jepet për ata që zotërojnë një makinë të vjetër dhe që nuk kanë mundësi të mjaftueshme ekonomike për të blerë automjete të reja.

“Për të nxitur drejtuesit që të blejnë automjete të standardeve të fundit dhe të teknologjisë së fundit, është e rëndësishme të ketë një mbështetje financiare, që të mos blejnë automjete të përdorura, me shkarkime të larta të ndotësve në ajër. Kjo nismë është parashikuar për rreth 15 mijë përdorues automjetesh, si dhe ka një vlerë rreth 15 milionë euro”, tha Laureta Dibra, përgjegjëse e Sektorit të Ajrit dhe Ndryshimeve Klimatike në Ministrinë e Mjedisit.

Përveç kësaj skeme të subvencionimit, Qeveria planifikon të ndryshojë edhe taksat për automjetet, që do të tatohen në forma të ndryshme. Kjo do të thotë që makinat me ndotje më të lartë do të paguajnë më shumë ose automjetet e reja mund të hiqen nga sistemi i taksave.

Projektplani kombëtar për menaxhimin e cilësisë së ajrit po diskutohet me grupet e interesit, ndërsa priten propozime të reja, deri kur të kalojë për miratim në Këshillin e Ministrave.

Burimi: fax.al

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale