Reperi amerikan Kanye West, një mbështetës i njohur i Presidentit të SHBA Donald Trump, bën me dije se do të kandidojë për president në zgjedhjet e ardhshme presidenciale, të cilat zhvillohen në nëntor të këtij viti.
Ai do të përballet me kreun e Shtëpisë së Bardhë, republikanin Donald Trump dhe demokratin ish-zv. presidentin Joe Biden.
“Ne tani duhet të realizojmë premtimin e Amerikës duke i besuar Zotit, duke unifikuar vizionin dhe duke ndërtuar të ardhmen tonë. Unë po kandidoj për president të Shteteve të Bashkuara,” shkroi reperi në një postim në Twitter, duke shtuar një emoji të flamurit amerikan dhe hashtagun “# 2020VISION”.
Lexoni: Tesla parakalon Toyotan, vlen 207,2 miliardë dollarë
Serioziteti i postimit tw Kanye West nuk wshtw ende i qartw, pasi na ndajnë vetëm katër muaj nga zgjedhjet presidenciale. Nuk dihet ende nëse ai ka paraqitur mw herwt ndonjë dokument zyrtar për t’u përfaqësuar në fletët e votimit për zgjedhjet shtetërore.
Afati i fundit për të shtuar kandidatët e pavarur në fletëvotim nuk është përmbyllur ende në shumë shtete. West dhe gruaja e tij Kim Kardashian West kanë vizituar Trump në Shtëpinë e Bardhë. Elon Musk, shefi ekzekutiv i prodhuesit të makinave elektrike Tesla miratoi postimin në Twitter të West-it duke shkruar: “Ju keni mbështetjen time të plotë!”
Postimi i Kanye West u ripostua 416 mijë herë dhe ka marrë 830 mijë pëlqime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
