Ke një startup që dëshiron ta zhvillosh? Atëherë bëhu pjesë e programit Flexible StartUp Support!

Programi Flexible StartUp Support është një program inkubimi dhe akselerimi i ndërtuar specifikisht për startup-et shqiptare në fazat pas-ideimit, validimit dhe zhvillimit. Programi përmban katër module duke u dhënë themeluesve të rinj fleksibilitet në ndjekjen e tyre bazuar në kërkesat dhe sfidat e industrive që operojnë.

Modulet: 

1. Lean Start-ups
2. Sustainable Business Model & Development
3. Marketing and Sales Strategic Planning
4. Financial Planning and Fund-raising

Programi ofron fleksibilitet që startup-et të marrin pjesë në ndonjë ose të gjitha modulet e ofruara aktualisht dhe bazuar në kërkesën dhe sfidat e tyre, ai mund të ndryshojë, përshtatet dhe / ose përmblidhet për të përfshirë module dhe shërbime të tjera.

Programi financohet nga projekti BE për Inovacionin (EU for Innovation) dhe implementohet nga akseleratorët Oficina dhe Innovation Nest Tirana.

Programi i përbërë nga katër module, do të zhvillohet për 12 javë duke mbuluar:

• 12 seminare nga ekspertë ndërkombëtarë: 3 workshop-e për secilin modul, qasje interaktive dhe eksperiencë
• 12 sesione trajnimi nga ekspertë kombëtarë: 3 trajnime për secilin modul, duke shërbyer si një zgjatim i seminareve ku startup-et do të përdorin njohuritë e marra dhe mjetet drejt ideve / startup-ve të tyre.
• Sesione peer-to-peer: diskutoni procesin tuaj të validimit me sipërmarrësit e tjerë
• Konsultime një-për-një: mbi 200 orë seanca këshillimi një-për-një me ekspertë ndërkombëtarë dhe kombëtarë
• Qasje në materialin mësimor dhe rrjetin alumni
• Një praktikë / trajnim i zgjatur në Europë për ekipet më të mira performuese gjatë vitit 2020
• Akses tek investitorët kombëtarë dhe ndërkombëtarë përmes Demo day

Data të rëndësishme: 

• Afati i Aplikimit: 30 Nëntor 2019
• Dita e Përzgjedhjes (Pitching): 03 Dhjetor 2019
  – Pas rishikimit të aplikimeve, ju mund të merrni një ftesë në ditën e përzgjedhjes për të prezantuar idenë tuaj të biznesit dhe ekipin
  – Një komision përzgjedh startup-et më premtuese për të marrë pjesë në Programin Flexible Start-up Support
• Fillimi i Programit: 07 Dhjetor 2019

Po kërkohen:

• Startup-e dhe sipërmarrës në Shqipëri që kanë një ide të zhvilluar dhe janë të gatshëm të angazhohen për ta shndërruar atë në një biznes fitimprurës, kjo përfshin kompani në fazën e hershme dhe ato që janë në rritje.
• Angazhim për të ndjekur plotësisht Modulet e zgjedhura ose tërë Programin.
• Sipërmarrës të vendosur, të nxitur dhe pasionantë

Aplikoni tani për t’u bërë pjesë e programit Flexible Start-up Support në linkun: oficina.al/flexible-support