Prindërit dhe kujdestarët me fëmijë nën moshën 18 vjeç mund të përfitojnë lehtësira fiskale dhe rimbursim financiar për shpenzimet arsimore. Drejtoria e Përgjithshme e Tatimeve ka bërë publike procedurën dhe kriteret për përfitimin e këtyre kompensimeve, përmes një njoftimi zyrtar në rrjetet sociale.
Sipas Tatimeve, çdo individ që ka plotësuar deklaratën DIVA 2025 përfiton:
-
48 mijë lekë të reja zbritje nga baza tatimore për fëmijët nën 18 vjeç
-
Deri në 100 mijë lekë të reja rimbursim për shpenzimet arsimore
Kush përfiton?
Përfitimi u takon prindërve ose kujdestarëve ligjorë:
-
që kanë fëmijë nën 18 vjeç
-
me të ardhura vjetore deri në 1.2 milionë lekë
-
që kanë plotësuar ose jo detyrimin për deklarimin e DIVA 2025
Tatimet sqarojnë se kompensimi përfitohet edhe në rastet kur individi nuk ka detyrim për deklarim, duke zgjeruar kështu rrethin e përfituesve.
Si kryhet aplikimi?
-
Kërkesa për rimbursim bëhet vetëm një herë
-
Aplikimi kryhet nga anëtari i familjes me të ardhurat më të larta vjetore
-
Duhet të dorëzohen dokumentet justifikuese për shpenzimet arsimore, sipas udhëzimeve të DPT-së
Drejtoria e Përgjithshme e Tatimeve ka publikuar gjithashtu listën e dokumentacionit të nevojshëm dhe hapat që duhen ndjekur për të përfituar nga kjo skemë mbështetëse.
Kjo masë synon të lehtësojë barrën financiare të familjeve dhe të mbështesë arsimin e fëmijëve, në një periudhë me rritje të kostove të jetesës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
