Disa javë më parë, Elon Musk siguroi se dy Teslat e ardhshme do të mbërrinin në 2023: Roadster i shumëpritur (trashëgimtari i Teslës së parë) dhe një risi absolute: kamioni Tesla Semi. Sot kemi imazhe dhe informacione të reja në lidhje me kamionin e parë elektrik të zhvilluar nga kompania me bazë në Austin (SHBA).
Tesla Semi do të lëvizë falë tre motorëve elektrikë (të paktën ky është informacioni zyrtar që shfaqet në faqen e Tesla-s, megjithëse janë paralajmëruar edhe versione me katër motorë), të vendosur në rrotat e pasme, në mënyrë që pezullimi i përparmë të jetë plotësisht i pavarur. Bateritë e tij, të vendosura në pjesën e poshtme të dyshemesë, gjenerojnë avantazhe dinamike (duke ulur qendrën e gravitetit, një faktor edhe më vendimtar në kamionë) dhe siguri në rast aksidenti, duke reduktuar rrezikun.
Ashtu si me makinat e pasagjerëve, Tesla Semi do të shquhet për performancën e saj. Mjeti i ri krenohet me aftësinë për të përshpejtuar nga 0 në 100 km/h në vetëm 20 sekonda… me një ngarkesë prej 80 ton. Musk u mburr në prezantimin e kamionit se pa rimorkio mund ta bënte këtë përshpejtim në 5 sekonda, gjë që na jep një ide më të mirë të fuqisë së tij.
Paketa e baterive e Tesla Semi ofron një gamë të konsiderueshme, duke marrë parasysh volumin e automjetit: më shumë se 800 kilometra (me ngarkesë të plotë dhe me shpejtësi autostrade) për çdo karikim. Më se e mjaftueshme nëse pranojmë, siç siguron Tesla, se 80% e udhëtimeve të këtyre mjeteve nuk arrijnë 400 km. Sipas prodhuesit, në vetëm gjysmë ore shoferi i një Semi mund të mbushë deri në 70% të baterisë së kamionit (dmth të grumbullojë energji elektrike për 650 km), duke përdorur karikues specifikë për kamionin (të cilët mund të quhen Megachargers).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
