Për një elektrifikim të transportit publik deri në 2030, Kalifornia ka miratuar një fond gati 740 milionë dollarë. Me qëllim uljen e ndotjes në ajër dhe gazin serë, Komisioni i Shërbimeve Publike, parashikon ngritjen e stacioneve të ngarkimit dhe infrastrukturës në shërbim të automjeteve elektrike për pasagjerët, dhe infrastrukturën në shërbim të kamionëve.
Programi i investimeve parashikohet për 5 vite.
Operatori i stacioneve të ngarkimit të automjeteve elektrike, ChargePoint, theksoi se, programi do të ishte një model për shërbimet publike dhe agjensitë rregullatore në të gjithë vendin.
Dave Packard, zëvendëspresident i kompanisë tha se, “Kjo do të sjellë përfitime të mëdha për shoferët e Kalifornisë, taksistët, shërbimet komunale, operatorët e flotës publike dhe private dhe agjensitë e tranzitit, si dhe përdoruesit e transportit publik”.
Plani tashmë i miratuar, nuk është mirëpritur nga konkurentët. Shoqata e Tregtarëve të Naftës në Kaliforni, e ka cilësuar këtë si një masë në shërbim të kompanive të mëdha të Kalifornisë.
Drejtori ekzekutiv i shoqatës Ryan Hanretty tha se, “Këto para do të paguhen nga familjet punëtore të Kalifornisë për të mbrojtur fitimet e mëdha të biznesit dhe projektet e financave për 4 % të tregut të automjeteve, të ardhurat mesatare të të cilave kalojnë 100,000 dollarë në vit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
