Kafe Inna, ide fituese në StartUp 3 » Business Magazine Albania – Media Dixhitale dedikuar Sipërmarrjes
Përditësuar së fundmi: 24/11/2018

Kafe Inna, ide fituese në StartUp 3

Share
nga Admin
Nën 24, 2018
Business Magazine Albania constitutes an online periodical publication of business related articles. It is the first of
lexo me teper >

Ardelina Marticanaj, studente në TBU, planifikon të ngrejë ngë kafe të lëvizshme në Tiranë, e më vonë edhe në qytete të tjera. Kjo është një tjetër formë e ofrimit të kafes, në të cilën Ardelina por edhe juria e StartUp 3 besuan.

Mund të na tregoni pak rreth jush dhe si lindi idea juaj e biznesit?  

Unë jam Ardelina Marticanaj 19 vjeçe dhe momentalisht studioj në Tirana Business University e profilizuar për Administrim Biznes. Pasioni im për sipërmarrjen dhe biznesin është i hershëm. Ideja e “Kafe Inna” lindi si rezultat i një artikulli në një revistë, ku cilësohej se Shqipëria renditej një ndër vendet me konsumin më të lartë të kafes në Europë.

Cili është misioni i projektit të biznesit, çfarë risie sillni dhe cilat mendoni se janë avantazhet tuaja konkuruese?

Misioni i planit tim të biznesit është që të sjellë në vendin tonë një këndvështrim ndryshe në konsumin e kafes. Veçantia në treg është mënyra se si unë do ta tregtoj kafen duke përdorur makinat e lëvizshme. Konsumimi i kafes nga kosumatoret do të jetë më i shpejtë me kosto më të ulët.

Pse mendoni se ideja juaj mund të shndërrohet në një biznes të suksesshëm?

Mendoj se ideja ime e biznesit mund të kthehet në biznes të suksesshëm pasi sjell risi në treg. Makina do të jetë e veshur, e shoqëruar me element dekorativë. Uniforma e stafit dhe muzika do të sjellin tek konsumatori një frymë tjetër. Besoj se kjo ide e re do të përqafohet nga konsumatorët.

Pas pjesëmarrjes në StartUp3, cilat janë hapat që do të ndiqni?

Pjesëmarrja në StartUp përveçse një ekspëriencë shumë e bukur ishte dhe një shtyse qe më rriti akoma me shumë besimin në idenë time. Fakti që “Kafe Inna” u rendit e 3-ta ndër të gjitha idetë pjesëmarrëse për mua do të thotë shumë, sepse personat që e vlerësuan ishin individë të suksesshëm në fushën e biznesit. Unë po punoj fort që kjo ide të vihet sa më shpejt në jetë. Jam në kërkim të investitorëve që besojnë në mua dhe në idenë time.

 

 

 


Evente

Panairi i Sipërmarrjeve me Impakt Social

Janar 22, 2019
ora 10:00 – 15:00