Jeff Bezos, pronari i Amazon, shtoi 13 miliardë dollarë në pasurinë e tij ditën e hënë, raportoi Bloomberg.
Sipas indeksit të miliarderëve të Bloomberg, Bezos tashmë ka një pasuri prej 189.3 miliardë dollarësh. Ndëkohë që ekonomia amerikane është tkurrur për shkak të pandemisë së COVID-19, themeluesi i Amazon ka fituar 74 miliardë dollarë pasuri gjatë këtij viti.
Rekordi i tij është më i larti i arritur ndonjëherë në një ditë të vetme që kur Indeksi i Miliarderëve të Bloomberg u vu në funksion në 2012.
Lexoni: Emiratet e Bashkuara Arabe dërgojnë anijen e parë në Mars
Bezos themeloi Amazon në 1995 dhe kompania sot është një prej më fitimprurëseve dhe më me vlerë në planet. Sipas parashikimeve, ai do të bëhet trilioneri i parë në botë deri në 2026.
Megjithatë, Bezos nuk është i vetmi që ka fituar nga pandemia. Një analizë e re tha se mbi 600 miliarderë amerikanë kanë vënë një pasuri mesatarisht 42 miliardë dollarë çdo javë gjatë pandemisë mes periudhës 18 mars deri në 16 korrik në një total prej 700 miliardë dollarë gjatë periudhës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
