Kjo javë vjen me një event të rëndësishëm për sipërmarrjet në fushën e teknologjisë dhe sipërmarrjet që lidhen me të. Future2Tech, është panairi i parë, dedikuar teknologjisë dhe inovacionit, i cili vjen nga Iceberg Communication dhe AlbaniaTech, me datat 21-22 Shtator.
Ndaj planifikoni këto data për një vizitë në panair, takime me përfaqësues të kompanive tech, të njiheni me produkte inovative, madje të përfitoni edhe nga oferta dhe surpriza të parashikuara nga kompanitë.
Organizatorët e eventit bëjnë të ditur se krahas qindra brandeve dhe kompanive vendase e ndërkombëtare, Future2 Tech do të sjellë edhe disa evente për të mos u humbur.
Në panelet e parashikuar në dy ditët e eventit, do të diskutohet për teknologjinë në edukim, fintech, risitë në treg, AI, etj.
Panairi i teknologjisë pritet të krijojë mundësi të reja ndërveprimi mes sipërmarrjeve të kësaj fushe, si dhe rritjen e shfrytëzimin e teknologjisë në të gjitha proceset tona krijuese.
Enejda Sheku, CEO e Iceberg Communication, tregon se ky event, “ka ngjallur një interes të veçantë, sidomos mes kompanive të lidhura me teknologjinë, qoftë për produktet hardware, ashtu dhe për produktet dhe shërbimet software. Ne, si organizatorë jemi shumë entuziastë rreth nivelit të pjesëmarrësve në panair. Mes pjesëmarrësve, partnerët mbështetës janë kompanitë lider në teknologji, jo vetëm për Shqipërinë dhe rajonin, por edhe më gjerë. Partnerët tanë si Vodafone Albania, Dev.al, PC Store, Communication Progress, Alba Media etj. synojnë të prodhojnë vlerë për panairin në nivel multidimensional, jo vetëm duke prezantuar shërbimet dhe produktet e tyre inovatore, por duke organizuar forume e prezantime të rëndësishme për informimin dhe ndërgjegjësimin e komunitetit të profesionistëve, e më gjerë”.
Mes fushave pjesëmarrëse, do të dominojnë kompanitë që ofrojnë shërbime software, fintech, gaming etj. Por, nuk mbeten prapa dhe kompanitë më në zë për produkte hardware, gjithashtu me pajisje si printera, VR, etj.
Lexo: Panairi Future2Tech, një mundësi për industrinë tech. Flet Enejda Sheku, CEO e Iceberg Communication
Panairi nis me Ceremoninë e Hapjes, që hap siparin e dy ditëve të ngjeshura me takime dhe aktivitete, për të vijuar më pas me një panel drejtuesish të kompanive më të mëdha në vend për një Business Talk. Në takimin që organizohet në zonën e eventeve, drejtuesve të bizneseve teknologjike do të rrëfejnë vizionin e tyre për të ardhmen e teknologjisë.
Folës ndërkombëtarë, siç është Sirous Kavehercy, do të jenë pjesë e eventit, ku do të informojnë dhe të na entuzazmojnë me informacione interesante rreth fushës së teknologjisë dhe edukimit si shtyllat kyçe të panairit në tërësi.
Shumë ngjarje do të ketë në zonën e Eventeve, e pozicionuar në qendër të sallës së panaireve. Në çdo orar ka aktivitete në formën workshop, forum, panel diskutimi, etj.
Nëse jeni më shumë të interesuar për produktet, ka një zonë tjetër në panair që e quajtur Demo Zone, ku do të bëhet prezantimi i produkteve dhe shërbimeve dhe që do të jetë live streaming gjatë gjithë kohës.
Organizatorët ju mirëpresin në panair, 21-21 shtator në Pallatin e Kongreseve dhe për një përvojë më të mirë rezervoni vizitën tuaj Këtu!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
