Japonia është vendi më i fundit që po shqyrton përdorimin e Blockchain për votim. Tsukuba është vendosur të bëhet qyteti i parë i vendit për të votuar në mënyrë dixhitale.

Sistemi do të mbështetet në ekuivalentin japonez të kartave të sigurimeve shoqërore për të verifikuar identitetin e votuesve.

Lexoni: Blockchain, teknologjia inovative që po ngjall kuriozitet edhe për shqiptarët

Sistemi nuk duket shumë i ndryshëm nga votimi konvencional, por tashmë votuesit do t’i vendosin votat e tyre në një ekran.

Sistemi do të përdorë teknologjinë blockchain për të parandaluar falsifikimin e të dhënave të regjistruara, sipas The Japan Times.

Pas vendosjes së një vote duke përdorur sistemin, kryebashkiaku Tsukuba Tatsuo Igarashi tha se “kishte menduar se do të përfshinte procedura më të ndërlikuara, por zbuloi se është një proces minimal dhe i thjeshtë.”

The Japan Times deklaroi se një numër votuesish harruan fjalëkalimet e tyre, si rezultat ata nuk do të mund të votonin. Për më tepër, me sa duket ishte e vështirë të dallohej nëse votat ishin numëruar apo jo.

Lexoni: 5 raste të përdorimit të Blockchain në teknologji

Virxhinia Perëndimore ka provuar gjithashtu një aplikacion për votimin të bazuar në blockchain, i cili lejoi ushtarakët të votonin për zgjedhjet lokale, duke përdorur metodën e njohjes së fytyrës për të verifikuar votuesit. Ne tashmë e dimë se kjo nuk është gjithmonë një metodë e përkryer për verifikimin e identitetit.

burimi: thenextweb