Një manifestim fizik i padiskutueshëm, i papritur dhe dramatik nga Jaguar, ndërsa marka vazhdon transformimin e saj. Type 00 (shqiptohet “Type Zero Zero”) mishëron filozofinë krijuese të Jaguar-it, Ekzuberant Modernism (Modernizmi Ekzuberant), pas prezantimit të identitetit të saj të ri të markës.
Premiera botërore e konceptit vizionar të dizajnit gjatë Javës së Artit në Miami – ndërsa Florida e Jugut bëhet qendra e botës së artit për gjashtë ditë – tregon çfarë do të vijë nga Jaguar, teksa marka rikthen frymën origjinale të saj “Copy Nothing”, të themeluar nga Sir William Lyons.
“Magjia e Jaguar-it është shumë afër zemrës sime – një markë origjinale britanike e luksit, e pakrahasueshme në trashëgiminë, artin dhe magnetizmin e saj emocional. Kjo është Jaguar-i që po rikthejmë, dhe ne do të krijojmë të njëjtin sens habie që rrethoi modele ikonike si E-type. Rruga jonë tashmë ka nisur, e udhëhequr nga fryma jonë origjinale për të mos imituar askënd – dhe rezultatet do të jenë spektakolare.” Adrian Mardell-Drejtor Ekzekutiv, JLR.
Type 00 është manifestimi fizik i filozofisë së re krijuese të Jaguar-it – Modernizmi Ekzuberant.
Trashëgimia e Jaguar-it
Përdorimi i parashtesës “Type” lidhet me trashëgiminë e markës dhe modelet si pionieri E-type. Zeroja e parë i referohet emetimeve zero nga tubo shkarkimi. Zeroja e dytë përfaqëson statusin e tij si “makina zero” në linjën e re të Jaguar-it. Dizajni i saj vizionar sfidon konventat e automjeteve elektrike, me një kofano të gjatë, linjë çatie të lakuar, rrota aliazhi 23-inç, profil të shpejtë fastback dhe pjesën e pasme boat-tail për të krijuar një siluetë dramatike me sipërfaqe moderniste dhe të sofistikuara. Ky dizajn është mundësuar nga arkitektura unike dhe e dedikuar JEA (Jaguar Electrical Architecture).
Lexo edhe:Jaguar po ndryshon logon e saj ikonike!
Type 00 është një shprehje e pastër e filozofisë së re krijuese të Jaguar-it. Ka një prezencë të padiskutueshme. Ky është rezultati i një mendimi të guximshëm, të pakufizuar krijues dhe një vendosmërie të palëkundur. Është manifestimi ynë i parë fizik dhe gurthemel për një familje të re Jaguar-ësh që do të duken ndryshe nga çdo gjë që keni parë më parë. Një vizion që synon nivelin më të lartë të përpjekjes artistike.” Profesor Gerry McGovern OBE-Kryetar i Krijimtarisë, JLR
Filozofia e re krijuese bazohet në tre karakteristika themelore dhe shprehet në çdo pjesë të markës dhe në çdo vend ku ajo shfaqet – e përfaqësuar si në një identitet të ri vizual artistik ashtu edhe në mënyrën se si ndërton marrëdhëniet me klientët e saj.
- Ekzuberante. E gjallë, e pakufizuar dhe e guximshme. E tillë në automjetet që krijon dhe momentet që kuron.
- Moderniste. E orientuar drejt së ardhmes, kurioze dhe e frymëzuar nga bota. Respekton të kaluarën, por nuk udhëhiqet prej saj.
- Tërheqëse. Holistike, shqisore dhe e jashtëzakonshme. Krijon lidhje domethënëse me klientët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
