Jack Ma: Nuk di asgjë për teknologjinë, por ja cili është çelësi i suksesit tim - Business Magazine Albania

Jack Ma: Nuk di asgjë për teknologjinë, por ja cili është çelësi i suksesit tim


Jack Ma është themeluesi dhe drejtori i kompanisë gjigande Alibaba, e cila zotëron një treg prej 420 miliardë dollarësh. Aktualisht, Ma vlen 6.5 miliardë dollarë, sipas revistës Forbes. Por sipas Jack-ut, suksesi i tij nuk ka të bëjë me aftësitë teknike ose të biznesit.

“Nuk di asgjë për teknologjinë, nuk di asgjë për marketingun, nuk di asgjë për gjërat ligjore”, tha Ma në konferencën Viva Tech në Paris të enjten.

Pra, çfarë di ai, që u bë kaq i suksesshëm? “Unë di si të sillem me njerëzit”.

“Çdo gjë që bëj si themelue është: Të bëj klientin të lumtur”.

Realisht, Ma në fillim kishte planifikuar të bëhej mësues, por e mori në konsideratë idenë e ndërtimit të një kompanie të teknologjisë, pasi mësoi për internetin më 1995 në udhëtimin e tij të parë në Shtetet e Bashkuara.

“Një mik më tha, Jack, ky është interneti. “E pyeta,” Çfarë është interneti? “Ai tha, “Të kërkosh çfarë të duash”.

“Së pari, “nuk doja ta prekja, sepse kompjuteri kushtonte shumë shtrenjtë në Kinë. Nëse do e prishja, nuk do të kisha mundësi ta paguaja”, tha Ma. “Fjalën e parë që e kërkova në internet ishte fjala ‘birrë’. “Nuk e di pse. Ndoshta sepse është e lehtë ta shqiptosh”, tha Ma. Pastaj kërkoi fjalën “Kinë”. Dhe nuk kishte “asnjë të dhënë për Kinën”, tha Ma.

“Kështu që i thashë mikut tim: Pse nuk bëjmë diçka për Kinën? Pra, bëmë një faqe të vogël dhe të shëmtuar, të cilën e quajtëm “Kina”. Ishte zanafilla për ngritjen e Alibaba, e cila filloi si një “qendër marketingu për informacion”, tha Ma. “Dhe pastaj vazhduam të zhvillohemi”.

Por, pavarësisht mungesës së aftësive teknike, ndërsa kompania u rrit, Ma tha se dinte vetëm një gjë: “Unë i njoh njerëzit. Isha trajnuar të bëhesha mësues”, tha Ma në Viva Tech. “Si mësues, ju dëshironi që nxënësit të jenë më të mirë se ju. Produkti juaj më i mirë është nxënësi yt”.

Kjo aftësi e ndihmoi Jack-un t’i frymëzojë dhe inkurajojë punonjësit e tij. Dhe kjo ka ndihmuar shumë në suksesin e jashtëzakonshëm të kompanisë së tij.

“Ju duhet t’i dëgjoni punonjësit tuaj … Ju duhet të bëni gjithçka për t’i fuqizuar ata. Nëse mund t’i shtyni ata të punojnë në grup, atëherë ju mund të bashkëpunoni. Pra, kjo është mënyra se si ne funksionojmë “, tha Ma”.

“Unë kam ardhur në një përfundim se sa më shumë që interesoheni për ekipin tuaj, ekipi do të kujdeset për ju dhe për klientët tuaj”, tha Ma.

Klienti është gjithnjë në rend të parë: “Kur bisedoja me stafin tim në ditët e para të kompanisë, u thoja:” Mos më bëni mua të lumtur, mos më doni mua. Bëjeni klientin të lumtur, bëjeni atë t’ju dojë, dhe unë do t’ju dua juve”.

/CNBC.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0