Një prezantim aktual i vëzhgimeve dhe raportimeve mbi lëvizjen e kundërshtuar të Nike merr shumë kuptim në botën e biznesit.
Kuptohej që nga slogani dhe përqasja fillestare, që Nike i ka të qarta disa gjëra mbi marketingun. Kjo na bën të besojmë që kompania nuk kishte gjasa të implikohej në politika jofitimprurëse, si në rastin me basketbollistin jozyrtar të NFL dhe aktivistin e përfolur, Kolin Kopernik.
Atëherë pse vijoi kompania me fushatën?
Nuk diskutohet që pasi “i bëri llogaritë”, pa që pavarësisht djegies së këpucëve dhe shpërthimit kërcënues nga e djathta, lëvizja do ishte e mirë për biznesin.
Po të njëjtat llogari tregojnë që, në varësi të treguesve demografikë të klientëve tuaj, kompania juaj duhet të konsiderojë një lëvizje të ngjashme ose të rrezikojë me uljen e kërkesës.
A duan klientët që markat të kenë diçka për të thënë?
Pyetja e parë që çdo kompani, përfshirë edhe Nike, duhet të bëjë përpara ndërmarrjes së çfarëdolloj iniciative në fushën sociale apo politike, ka të bëjë me atë çka klienti kërkon të dëgjojë në lidhje me këto tematika. Përgjigjja kategorike për këtë pyetje është padiskutueshmërisht, po.
“Populli kërkon që markat të shprehin qëndrimet e tyre mbi çështje të rëndësishme”, zbuloi një sondazh aktual ku u pyetën 1000 konsumatorë amerikanë.
“Dy e treta e konsumatorëve (66%) shprehen se është e rëndësishme që markat të shfaqin qëndrimin e tyre rreth çështjeve sociale dhe politike.”
Një vështrim i përgjithshëm i vitit 2017 nga Edelmani u pajtua në këtë aspekt kur zbuloi që veçanërisht brezi i ri kërkon të dijë sa më shumë mbi markën që përdor. “Pjesa dërrmuese e rinisë të shekullit XXI (60 %) janë blerës që bazohen në parimet që besojnë”, zbuloi studimi.
Të rinj, më të paparë dhe më të ndërgjegjshëm
Por ndërkohë që shumica e amerikanëve kërkojnë që marka me të cilën identifikohen (ndërveprojnë) të shprehet në çështje sociale, vlen të përmendet edhe rëndësia e ndryshimeve dalluese në grupet demografike.
“Rreth 78% e individëve të anketuar, të cilët e identifikojnë veten si liberalë kërkojnë që marka e tyre të mbajë qëndrim, ndërkohë që pothuaje vetëm gjysma (52 përqind) e të anketuarve që identifikohen si konservativë ndajnë të njëjtin mendim”,- u shpreh kompania Sprout Social.
Fakti që liberalët rezultojnë shumë më të interesuar në kompanitë që kanë përfaqësi politike, detyrimisht bëri të mundur që vendimi i Nike të merrej edhe më lehtësisht.
Ashtu siç edhe u shpreh analisti i industrisë sportive, Matt Powell në statusin e tij në twitter (një këshillë falas për kompaninë Business Insider): Pleqtë e bardhë gërnjarë nuk janë një element thelbësor për Nike.”
Klientët e kompanisë anojnë nga mosha e re, urbane dhe liberale. Rrjedhimisht, nervozizmi që Nike do krijojë në rrethin konservativ, do të ndikojë në rritjen e besnikërisë së klientelës ndaj kompanisë Nike.
Jo vetëm që klientela thelbësore e kompanisë Nike ka gjasa të larta të simpatizojë Kopernikun dhe kauzën e tij (në një sondazh të kohëve të fundit, 63 përqind e të anketuarve mbi moshën 50 vjeçare u shprehën se gjunjëzimi gjatë himnit kombëtar nuk është kurrë i përshtatshëm; vetëm 38 përqind e personave nën moshën 30 vjeçare ishin të të njëjtit mendim), por ka gjasa edhe më të larta që ata të investojnë më shumë në atletet e tyre.
Josh Barro nga Business Insider shpjegon mjeshtërisht arsyen pse markat përqëndrohen tek klientët liberalë:
“Segmentet shoqërore politike i tejkalojnë pritshmëritë e kompanive ndaj tyre (duke arritur shpeshherë edhe të punësohen në po të njëjtat kompani që i reklamohen).”
Mendoni pak për shtresën e popullsisë që kompanitë synojnë të tërheqin: individë që kanë një burim masiv të ardhurash dhe nuk janë akoma të moshuar…
Një paraqitje tërheqëse në sytë e qytetarëve më të moshuar është strategjia më e mirë për të korrur një fitore zgjedhore, por nuk është mënyra më e mirë për të ofruar shërbime apo shitur produkte për shumicën e konsumatorëve.”
Përfundimi që i intereson kompanisë tuaj
E gjitha kjo çon në përfundimin e qartë të çështjes së Nike, e cila rrezikon nëpërkëmbje nga ana e konservatorëve për shkak të përkrahjes së Kopernikut dhe na bën të mendojmë që edhe marka të tjera edhe më të vogla mund të konsiderojnë një qasje të mundshme politike.
Ama, për të kuptuar rëndësinë e një qëndrimi politik nga një kompani, duhet pasur gjithmonë parasysh grupi shoqëror që mundohemi të godasim. Nëse po reklamojmë produkte për një moshë të re që anon nga parimet liberale, rrezikojmë të ngelemi prapa po nuk luftuam për idealet tona.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
