Ja tarifat për orë të 11 parkingjeve nëntokësore në Tiranë

Ja tarifat për orë të 11 parkingjeve nëntokësore në Tiranë


Njëmbëdhjetë parkingje të reja nëntokësore pritet t’i japin zgjidhje problemit të parkimeve publike në kryeqytet. Janë të paktën dy të tilla, të cilat janë miratuar dhe janë në përputhje me vendimin Këshillit të Rregullimit të Territorit. Njëri prej tyre, ai te Parku Rinia, pritet të marrë dritën jeshile në mbledhjen e afërt të Këshillit Bashkiak.

Ai ka një kapacitet prej 1342 vendesh dhe do të jepet me koncesion për 35 vitet e ardhshme. Kjo hapësirë nëntokësore do të menaxhohet nga shoqëria “Taiwan”, e cila ka paraqitur edhe ofertën e saj mbi tarifat që do të aplikohen për parkim, shumë e cila varion nga 40¬120 lekë në varësi të orarit.

Vende të posaçme parashikohen për invalidët, institucionet publike, rezidentët dhe bizneset. Të parët do ta marrin shërbimin falas, ndërsa të tjerët duhet të paguajnë një shumë më të vogël nga vlera ditore. Por ky parkim nuk do të jetë i pari.

Janë 10 të tjerë të shtrirë në zona të ndryshme të kryeqytetit: te Stacioni i Trenit, sheshi te “Vëllezërit Frashri”, në lulishten pas Kryeministrisë e deri te hapësira në lindje të stadiumit “Qemal Stafa”.

Jo më larg se muajin e kaluar, bashkia miratoi krijimin e “Tirana parking”, nën varësi në institucionit, që do të menaxhojë gjithë shërbimin e parkimit publik me pagesë në kryeqytet.

VENDIMI

Ndërtesa rreth 100 metra katrorë, ku aktualisht operon “Aksion plus”, një nga shoqatat që parandalon përhapjen e virusit HIV/ AIDS, do të përdoret pa kurrfarë pagese. Ky është shpërblimi që Bashkia e Tiranës ka vendosur t’i japë kësaj shoqate për fundvit.

Me një kërkesë të datës 29.09.2015, kjo e fundit i kërkon bashkisë dhënien në përdorim të hapësirave ku ka operuar nga viti 1992 e deri më tani pa kundërshpërblim, një leje që e kishte siguruar me vendim të Këshillit të Ministrave që nga viti 2007. Por, më vonë kjo ndërtesë i kaloi Qendrës së Zhvillimit në varësi bashkisë.

Me ndryshimin e pronarit të pronës rreth 100 metra katrorë, shoqatës “Aksion plus” i lind nevoja e marrjes së aprovimit nga pronari aktual, që në rastin konkret është Bashkia e Tiranës.

“Duke marrë në konsideratë kërkesën e dëshirën për bashkëpunim me këtë shoqatë, e cila u vjen në ndihmë qytetarëve me probleme të virusit HIV/ AIDS, konsumimit të alkoolit, abuzimit me substanca të ndryshme narkotike, si dhe kontributin që ka dhënë deri më sot për të rinjtë e qytetarët e Tiranës, parashtrojmë për miratim në parim të dhënies në përdorim, pa kundërshpërblim të 100 m2 sipërfaqe truall shoqatës “Aksion plus”, arsyetohet në relacion.

/Balkanweb/

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0