Ja pse personaliteti dhe jo aftësitë të bëjnë një punonjës të shkëlqyer

Ja pse personaliteti dhe jo aftësitë të bëjnë një punonjës të shkëlqyer


Në një studim ndërkombëtar u  anketuan me më shumë se 500 drejtues biznesi duke u pyetur se çfarë e bën të mirë një punonjës. Kërkuesit donin të dinin pse disa njerëz janë më të suksesshëm se të tjerët në vendin e punës dhe përgjigjet që morën ishin befasuese. Drejtuesit zgjodhën personalitetin përpara aftësive.

Personaliteti përfshin preferenca dhe tendenca të qëndrueshme përmes të cilave ne lidhemi me botën. Të jesh intorvert ose ekstrovert është një shembull i një cilësie të rëndësishme të personalitetit.

Cilësitë, të cilat drejtuesit në studim i quajtën si pjesë të personalitetit, ishin në fakt aftësi të inteligjencës emocionale. Dhe ndryshe nga personaliteti, i cili është “i shkruajtur në gur”, inteligjenca emocionale mund të ndryshohet dhe përmirësohet.

Punonjësit e shkëlqyer nuk kanë aftësi të jashtëzakonshme të dhëna nga Zoti; ata mbështeten në aftësitë e thjeshta të Inteligjencës Emocionale që çdokush mund t’i integrojë në personalitetin e tij.

Këto janë aftësitë që i dallojnë punonjësit e shkëlqyer nga pjesa tjetër:

Ata e tolerojnë konfliktin: edhe pse punonjësit e mirë nuk kërkojnë konflikt, ata nuk dorëzohen përpara tij. Ata janë në gjendje të mbajnë qëndrimin e tyre në mënyrë të qetë dhe të logjikshme. Ata janë në gjendje t’i kthejnë sulmet personale në qëllime për të arritur më shumë dhe asnjeherë ata nuk e përdorin këtë taktikë kundër të tjerëve.

Ata janë të guximshëm: punonjësit e mirë janë të gatshëm të flasin atëherë kur të tjerët heshtin, qoftë kjo për të bërë një pyetje të sikletshme apo për të dalë kundër një vendimi gjatë mbledhjes. Ata mendohen përpara se të flasin dhe zgjedhin momentin e duhur për të vepruar.

Ata dinë të kontrollojnë egon e tyre. Punonjësit e mirë kanë ego. Por ata asnjëherë nuk i japin vëmendje më shumë seç duhet. Ata i pranojnë gabimet dhe janë të gatshëm të përshtaten me mendimet e të tjerëve, qoftë kjo sepse dikush tjetër ofron një zgjidhje më të mirë, por edhe për të ruajtur harmoninë në skuadër.

Ata e kuptojnë kur gjërat janë gabim dhe i rregullojnë ato. Punonjësit e mirë nuk i bëjnë bisht problemeve. Ata gjithmonë përpiqen t’i zgjidhin ato menjëhërë.

Ata përqendrohen. Studentëve në Shkollën e Pilotëve shpesh iu thuhet, “Kur gjërat shkojnë keq, mos harroni të drejtoni avionin”. Aksidentet nga rëniet e avionëve janë pasojë e përqëndrimit të pilotëve për të gjetur zgjidhjen e problemit që lanë pas kur u shkëputën nga toka. Punonjësit e mirë e kuptojnë shumë mirë shprehjen: “Thjesht drejto avionin.” Ata nuk shpërqëndrohen nga klientët e bezdisshëm apo zënkat e pakuptimta. Ata arrijnë ta kuptojnë ndryshimin midis problemeve reale dhe zhurmës së panevojshme, për këtë arsye ata përqendrohen në gjërat që kanë vërtet rëndësi.

Ata i neutralizojnë njerëzit e padurueshëm. Të përballesh me njerëz ‘të vështirë’ është stresuese dhe shumë e lodhshme. Punonjësit e mirë i identifikojnë emocionet e tyre dhe nuk lejojnë inatin apo zemërimin të nxitë kaosin. Ata gjithashtu vlerësojnë pikëpamjen e personit ‘të vështirë’ dhe janë në gjendje të gjejnë zgjidhje dhe pika të përbashkëta. Edhe kur gjërat dalin jashtë kontrollit, njerëzit emocionalisht inteligjentë janë në gjendje ti bëjnë ballë personit toksik, për të mos lejuar që ai ose ajo t’i demoralizojë.

WeForum

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0