Ja për çfarë do të flasë Roger Edwards në AllWeb Albania 2019 (Video) - Business Magazine Albania

Ja për çfarë do të flasë Roger Edwards në AllWeb Albania 2019 (Video)


Roger Edwards, një nga folësit e konfirmuar të konferencës së Marketingut Dixhital, AllWeb Albania, ka qenë folës vitin e kaluar në AllWebMK në Shkup. Duke treguar për përvojën e tij ai tha për Business Mag se “AllWebMK ishte konferenca ime e preferuar e vitit 2018. Një prodhim i shkëlqyer me folës motivues dhe vend i mbushur me energji nga të ftuarit që ishin të lumtur të bashkëbisedonin gjatë konferencës”.

Por cila do të jetë tematika që do të flasë në AllWeb Albania 2019? Ai zbulon se do të flasë për “Fixing Broken Marketing.” Edhe pse tani marketingu është në dispozicion për shumë kompani falë teknologjisë dixhitale, ndonjëherë ai nuk është i përqëndruar sa duhet tek konsumatorët. Mund të jetë një “bombardim” i pafundëm i email-ve, reklamave dhe komunikimeve ndërhyrëse.

Për të mësuar më shumë rreth tematikave që Roger do të flasë shikoni videon më poshtë:

“Gjatë fjalimit tim unë do të tregoj tre mënyra për të rregulluar “broken marketing” dhe do t’ju jap disa ide se si kompanitë mund t’i mbajnë gjërat e thjeshta ndërsa ngjiten drejt suksesit.”

Lexo më shumë: AllWeb 2019 prezanton tre folësit e parë të konfirmuar për konferencën e Tetorit në Tiranë

Roger na dërgon edhe një mesazh të shkurtër për lexuesit tanë.

“Kam dëgjuar gjëra të bukura për Shqipërinë dhe Tiranën dhe mezi po pres që ta shoh qytetin dhe të takoj të ftuarit e AllWeb Albania. Do të jetë një konferencë e mahnitshme.”

Për të gjithë personat që janë pjesë e komunitetit të sipërmarrjes dhe të regjistruar në revistën Business Magazine Albania kemi ofertën speciale me vlerë 80€ nga çmimi standard prej 100€.

Oferta është e vlefshme deri më datë 25 Shtator!

Dërgo një email në info@businessmag.al dhe do të të informojmë si mund ta blesh biletën tënde!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Një ide është e mirë vetëm nëse mund ta zbatosh.”
— Mark Cuban
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0