Për të tretin vit me rradhë, Spanja është shpallur si vendi më i mirë për t’u vizituar sipas Forumit Ekonomik Botëror. Kjo vjen si rrjedhojë e bukurive dhe historisë që të ofron Spanja.
Barcelona dhe bazilika e saj La Sagrada Familia, muzeu i famshëm Prado dhe Kosta del Sol, plazhet e saj tërheqëse dhe klima e favorshme, janë disa nga arsyet që e bëjnë këtë vend si një nga më të preferuarit në gjithë globin. Në vendin e tretë u rendit Gjermania, e më tej Franca, Japonia dhe SHBA-ja. Jemeni u rendit i fundit në listë, në vendin e 140-të.
10 vendet e para kanë mbetur kryesisht të pandryshuara nga renditja e vitit të kaluar, përveç Mbretërisë së Bashkuar, e cila kaloi nga vendi i pestë në të gjashtin. Italia ka kaluar në vendin e tetë, ndërsa Kanadaja në atë të nëntin. Përcaktimi i vendit më të mirë për t’u vizituar në vitin 2019, është bërë në bazë të disa kushteve të përcaktuara nga Forumi Ekonomik Botëror. Burimet natyrore dhe kulturore, infrastruktura rrugore dhe ajo ajrore, politikat kombëtare si dhe higjena, siguria dhe çmimet .
Lexo: Këto janë vendet më të shtrenjta dhe më të lira të Evropës
Austria kryeqyteti i së cilës u emërua “qyteti më i jetueshëm në botë” renditet në vendin e 11-të. Ajo kryesoi në kategorinë e “shëndetit dhe higjienës”.
Si vendet më të sigurta u renditën Finlanda, Islanda, Oman, ndërsa El Salvador, Nigeria dhe Jemeni u renditën si vendet më pak të sigurta në botë.
Sh.B.A kryesoi listën për burimet njerëzore dhe tregun e punës.
Kanadaja u rendit në vendin e parë për infrastrukturën e transportit ajror dhe Meksika për burimet natyrore.
10 vendet e para për t’u vizituar në vitin 2019, sipas Forumit Ekonomik Botëror:
- Spanja
- Franca
- Gjermania
- Japonia
- Shtetet e Bashkuara
- Mbretëria e Bashkuar
- Australia
- Italia
- Kanadaja
- Zvicra
Lexo:10 vende për t’u argëtuar me fëmijët në Tiranë
Ndërsa në fund të listës u renditën këto vende:
- Jemeni
- Cadi
- Liberia
- Burundi
- Republika Domenikane
- Mauritiana
- Angola
- Haiti
- Burkina Faso
- Sierra Leone
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
