Qytetarët shqiptarë që duan të punojnë në Itali kanë mundësi të jenë pjesë e kërkesës për krah pune që ka aktualisht ekonomia italiane. Qeveria italiane ka aprovuar dekretin për pranimin e rreth 70 mijë emigrantëve të rinj nga vende jo anëtare të Bashkimit Europian mes të cilëve dhe Shqipëria.
“I përgjigjemi kërkesës së industrisë italiane e veçanërisht sektorit të ndërtimit”, ka deklaruar kryeministri italian Mario Draghi në prezantimin e këtij dekreti fluksi emigrantësh.
“U japim mundësi, tha ai, rreth 70 mijë punonjësve të huaj të punojnë legalisht në Itali”.
Emigrantët e rinj që pranohen të punësohen brenda kësaj kuote duhet të jenë nga vende; Shqipëri, Kosovë, Maqedoni e Veriut, Serbi, Tunizi, Ukraninë, Bangaldesh, Bosnjë, Bregu i Fildishtë, Egjipt. Marok, Indi, Gambia, Mal i Zi, Moldavi, Etiopi, Mali, Sri Lanka, Senegal, Algeri, Nigeria etj.
Kuotat e parashikuara për punësim janë 69 700 emigrantë.
Kërkohen 42 mijë punëtorë për bujqësi e turizëm- hoteleri, nga të cilat 14 mijë punëtorë vetëm për sektorin e bujqësisë.
Kuotat e tjera janë parashikuar për sektorin e ndërtimit e autotransport të mallrave.
Dekreti i fluksit parashikon dhe konvertimin e rreth 2000 leje qëndrimi për studim, stazh e formim profesional në leje qëndrimi punësimi, e të 4400 leje qëndrimi për punësim sezonal në leje qëndrimi punësim i rregullt me afat të gjatë kohorë.
Dekreti i fluksit do të ketë një “click Day” i parashikuar në orën 9.00 një ditë pas publikimit në Gazetën zyrtare e do të pranohen kërkesat dëguar brenda dy muajve nga data e publikimit me prioritet renditjen kronologjike të aplikuesve.
Shpërndarja territoriale e kuotave të nevojshme për punësimin e emigrantëve të rinj do të përcaktohet nga Inspektoriati i punës së rajoneve e provincave italiane.
Për hartimin e këtij dekreti kanë punuar dy ministrite E Punës dhe Cështjeve Sociale dhe Ministria e Brendshme e gjatë prezantimit të tij, Kryeministri italian Mario Draghi u shpreh se gjatë vitit 2022 është parashikuar një tjetër dekret fluksi për emigrantët e vendeve ekstra komunitare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
