U fol shumë gjatë verës se shkujdesja në plazhe do të reflektohej në rritjen e numrit të të infektuarve me Covid gjatë vjeshtës. Por sipas drejtoreshës së ISHP, Albana Fico, sfida e vërtetë është rihapja e shkollave.
“Jo pushimet, por shkollat sfida jonë e vërtetë. Nuk do mbyllim shkollën për 1 rast”, u shpreh Fico. Në strategjinë e testimit dhe zbulimit, është caktuar një korsi preferenciale që do t’i japë prioritet mësuesve në zhvillimin e testit të tamponit dhe marrjes së përgjigjes brenda pak orëve. Për të gjithë ata që janë në pritje të përgjigjes së negativizimit, drejtoresha e ISHP shpjegon se vonesat në dhënien e rezultatit të ritestimeve lidhen me prioritetin që i jepet rasteve të reja.
LEXO: Shkollat pas pandemisë së Covid-19: nga një kulturë të mësuari në një kulturë të nxëni
Në ISHP po instalohen pajisje të reja që ndihmojnë ekzaminimin më të shpejtë dhe sigurt të mostrave të marra nga pacientët e dyshuar me Covid. Listës së testimeve i shtohen çdo ditë për konfirmim final dhe ato të laboratorëve privatë të licencuar për të kryer këtë lloj ekzaminimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
