Internet i shpejtë, Elon Musk nis 60 satelitët e parë në hapësirë


Kompania “Space X” e Elon Musk nisi në hapësirë sistemin “broadband”. Raketa “Falcon-9” u lëshua nga Cape Canaveral e Floridës, të enjten pasdite. Në të ndodhen 60 satelitë, të cilët janë në gjendje t’u sigurojnë përdoruesve në botë lidhje të shpejtësisë së lartë në internet.

Kompania e miliarderit Elon Musk, synon të hedhë në hapësirë afro 12.000 anije kozmike për rrjetin “Starlink”. “Space X” është një prej grupeve tregtare që kanë leje për të hedhur në hapësirë një “megakonstelacion” interneti.

Mes tyre është edhe “startup-i “OneWeb” me seli në Britaninë e Madhe. Në shkurt OneWeb nisi fluturimet në hapësirë me 6 anije kozmike operacionale. Ambicie të mëdha në këtë fushë ka edhe rrjeti gjigant i shitjeve online, “Amazon”. Ajo po punon për një projekt, ku parashikohen të lëshohen 3.200 satelitë, të nohur si “Projekti Kuiper”.

Lexo: Pse hapësira po bëhet një vend i rrezikshëm për të bërë biznes?

Të gjitha kompanitë e përfshira në këtë fushë, parashikojnë të dërgojnë anije kozmike në orbitën e Tokës, nën 2.000 km mbi planetin. Kjo pritet të ulë vonesat dhe të ketë një reagim në kohë për lidhjet në internet.

Raketa “Falcon” u nis për fluturim nga kompleksi 40 i lëshimeve hapësinore “SLC-40” në bazën e Forcave Ajrore në Cape Canaveral, në orën 22:30 me atë lokale, apo 4.30 të mëngjesit të së premtes.

The telegraph

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale