Një grant prej 30 milionë euro është parashikuar për Ballkanin Perëndimor, me kusht që vendet të instalojnë internetin broadband. Objektivi është të mobilizohen investimet strategjike në këtë drejtim, dhe të nxiten rrjetet socio-ekonomike.
Në Sofje të Bullgarisë është lançuar Axhenda Dixhitale e Ballkanit Perëndimor, një axhendë që synon të mbështesë tranzicionin e rajonit në një ekonomi dixhitale dhe të sjellë përfitime nga transformimi dixhital, si rritje më të shpejtë ekonomike, më shumë vende pune dhe shërbime më të mira për qytetarët.
Marija Gabriel, komisionere për Ekonomi dhe Shoqëri Dixhitale, tha se, “Angazhimi në Agjendën Dixhitale do të sigurojë që qytetarët të kenë aftësi për të plotësuar kërkesat e ekonomisë së re dhe do të ndihmojnë në modernizimin e administratave publike, në forcimin e sigurisë kibernetike, në rritjen e lidhjes dhe në përmirësimin e klimës së biznesit”.
Lexoni: Deputetët ankohen për shpejtësinë e internetit. AKEP premton: do të rishikojnë kontratat
Ministrat e gjashtë vendeve (Shqipëri, Bosnje Hercegovinë, Kosovë, Mal i Zi, Maqedoni dhe Serbi) do të angazhohen për hapjen e internetit broaband në Ballkanin Perëndimor.
Pjesë e objektivave të integrimit dixhital është edhe rritja e sigurisë kibernetike, forcimi i ekonomisë dhe shoqërisë dixhitale. Grantet u japin përparësi shërbimeve publike, sipas preyantimeve në Sofie. Aty përfshihet vendosja e mjeteve të e-qeverisjes, e-prokurimit dhe e-shëndeti. Kjo synohet të arrihet duke mbështetur përfshirjen dhe përfaqësimin e vendeve të rajonit të Ballkanit Perëndimor në nismat e BE-së.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
