Inteligjenca artificiale po vret kapitalizmin


Yanis Varoufakis, ish-Ministri i Financave në Greqi, në një leksion të mbajtur së fundmi në Londër, tha para studentëve se kapitalizmi po vdes dhe goditjen fatale do t’ja japë pikërisht ajo që konsiderohet si e ardhmja e ekonomisë; Teknologjia.

“Kapitalizmi është vjetëruar dhe ngritja e korporatave gjigande të teknologjisë dhe Inteligjencës Artificiale do ta vrasin fare këtë sistem”, thotë ai.

Ish-ministri grek i Financave thotë se për herë të parë, gjigandë si Google dhe Facebook po sigurojnë të ardhura të prodhuara nga klientët e tyre, pra përdoruesit e produkteve të tyre. Pikërisht kjo është gangrena që po e bren sistemin kapitalist përbrenda, sipas tij.

“Sa herë që kërkoni për diçka në Google, ju kontribuoni në rritjen e kapitalit të Google dhe kush i merr në fund të ardhurat? Google, jo ju! Pra, sot nuk ka asnjë dyshim që kapitali po prodhohet nga shoqëria, por përfitimet po privatizohen dhe kjo, me inteligjencën artificiale do të marrë fund. Kjo teknologji do të shkatërrojë më shumë vende pune nga sa do të krijojë dhe pikërisht në këto moment, Karl Marks do të ketë hakmarrjen e tij ndaj kapitalizmit”, deklaroi Varoufakis.

Pikërisht në këtë moment, thotë Varoufakis, do të nisë reagimi i shoqërisë për shkak të padrejtësisë në ndarjen e të mirave materiale.

Ndiqni më poshtë leksion e mbajtur në TED, nga Yanis Varoufakis.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale