Si përjetohet nga ne të gjithë e ardhmja mes pikëllimit dhe humbjes së njerëzve tanë më të dashur?
Një kompani e inteligjencës artificiale (IA), e quajtur ”You, Only Virtual” po krijon një chatbot të modeluar sipas njerëzve tanë të dashur që nuk jetojnë më, me themeluesin e saj, Justin Harrison, që i deklaron emisionit “Good Morning America” se ai shpreson që njerëzit të mos kenë më fare pikëllim.
”You, Only Virtual” skanon mesazhet me tekst, emailet dhe telefonatat e ndara midis një individi dhe personit të ndjerë për të krijuar një chatbot që kompozon përgjigje origjinale të shkruara ose audio duke imituar zërin e personit të vdekur dhe duke modeluar marrëdhënien dhe raportin që të dy ndanin në jetën reale.
Lexo edhe:Do të pranoje një terapist AI?
Kompania, e themeluar në vitin 2020, shpreson të ofrojë një opsion video-chat më vonë këtë vit dhe në fund të ofrojë realitet të shtuar që lejon ndërveprim me një projeksion tredimensional.
Harrison, i cili përdori teknologjinë për të krijuar “një nënë virtuale” pas vdekjes së nënës së tij, hodhi poshtë shqetësimet e mundshme të privatësisë të ngritura nga përdorimi i bisedave personale për të ndërtuar një chatbot pa pëlqimin e të ndjerit. “Absolutisht nuk keni nevojë për pëlqimin e dikujt që ka vdekur”, tha ai.
”Mamaja ime mund ta kishte urryer idenë, por kjo është ajo që doja dhe jam gjallë”, thekson ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
