Integrimi në BE, kush e ka në dorë “fatin” e Shqipërisë?

Opinionistja Doriana Metollari ka dhënë një deklaratë mbi Integrimin e Shqipërisë në BE, nisur edhe nga periudha në të cilën gjendet vetë BE-ja. Shqipëria dhe Maqedonia e Veriut janë “fate të ndara” dhe siç e përmend Metollari. në këtë moment nuk janë Shqipëria apo Maqedonia e Veriut vendet që vendosin për integrimin në BE, por instrumentet e Bashkimit Europian që vlerësojnë progresin e vendeve. Nëse ka ndryshime në politikë duket se sforcot do të rriten për të dyja vendet. Më poshtë keni deklaratën e plotë:

“Nuk janë Shqipëria apo Maqedonia e Veriut vendet që vendosin për integrimin në BE, por instrumentet e Bashkimit Europian që vlerësojnë progresin që kanë bërë të dyja vendet tona, dhe mbi bazën e kësaj hapat e afrimit që do të bëjnë. Para disa kohësh po zhvillohej i njëjti debat për faktin që Maqedonia e Veriut ishte më afër integrimit nga sa ishte Shqip ëria. Por tani mesa duket BE ka vlerësuar se kjo ka ndryshuar. Ne jemi dy fate të ndara. Megjithatë ekziston një “periudhë egoizmi” brenda vetë Bashkimit Europian dhe kjo u detyrohet shumë shkaqeve të brendshme, prandaj derisa kjo “periudhë egoizmi” të kalojë apo të përpunohet më shumë, anëtarësimi i vendeve te reja nuk do të jetë një proçes i lehtë. Marrim një shëmbull. Në Francë presidenti aktual Macron është kokë më kokë në sondazhe me rivalët e tij, të cilët janë kundër politikave të zgjerimit, haptas. Pra, sforcot e të dyja vendeve tona do të rriten akoma më shume, nëse ndodh që të marrin përparësi politikat nacionaliste.”

Lexo: Mimi Kodheli: Ja cilat janë prioritetet integruese të së majtës

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Business Pulse
Përditësuar më: 11/05/2021	924		admin