Çdo ëndërr e madhe nis me një pyetje: “Ku mund të më çojë arsimi?”
Prej më shumë se 30 vitesh, Integral Educational Programs ka qenë partneri i besuar i studentëve dhe familjeve në gjetjen e përgjigjes, duke hapur dyert drejt universiteteve më të mira, shkollave te mesme elitare dhe mundësive që ndryshojnë jetën.
E themeluar mbi bindjen se arsimi ka fuqinë të ndryshojë jetë, Integral është rritur duke u bërë një emër i besuar në 7 vende, ura që lidh ambicien lokale me mundësitë globale. Ajo që nisi si një mision për të mbështetur të rinjtë në rrugëtimin e tyre akademik, është kthyer sot në një traditë ekselence, e ushqyer nga partneritete ndërkombëtare dhe dekada përvojë në fushën e arsimit jashtë vendit.
Nga Shqipëria drejt botës
Kur studentët dhe prindërit hyjnë në zyrën e Integral në Tiranë, ata nuk takojnë thjesht konsulentë; ata takojnë njerëz që kanë përjetuar nga afër eksperiencën e arsimit ndërkombëtar. Ekipi Integral sjell ekspertizë globale, por mbi të gjitha një kuptim të thellë të sfidave, shpresave dhe ëndrrave që mbart çdo student.
Zgjedhja e vendit ku do të studioni nuk është vetëm një vendim për shkollën, është zgjedhja e rrugës së karrierës, të së ardhmes dhe të gjithë jetës. Prandaj çdo rekomandim që Integral jep është i personalizuar, i përshtatur dhe i fokusuar tek ajo që me të vërtetë ka rëndësi për secilin student.
Për çdo aplikim fshihet një ëndërr dhe shpesh, edhe pasiguri. Roli i Integral është ta kthejë atë pasiguri në qartësi. Qoftë duke përgatitur një student për intervistat pranimit në shkolla ndërkombëtare, duke ndihmuar me aplikimet për bursa, apo duke dhënë këshilla për programet universitare që i përshtaten më së miri, çdo vendim mbështetet në njohuri dhe përvojë. Kjo është mënyra se si qindra studentë shqiptarë kanë kthyer pyetjet e tyre të para në letra pranimi nga disa nga institucionet më të respektuara në botë.
Më shumë se konsulencë, një komunitet mundësish
Gjatë viteve, Integral ka ndihmuar studentë të sigurojnë vend në universitete botërisht të njohura, të ndjekin shkolla prestigjioze internacionale dhe të marrin pjesë në kampe verore që u kanë ndryshuar jetën. Sot, disa prej tyre punojnë si inxhinierë, mjekë dhe sipërmarrës në Evropë, SHBA e më gjerë. Të tjerë janë kthyer në Shqipëri, duke sjellë njohuri, përvoja dhe këndvështrime të reja që kontribuojnë në zhvillimin e komunitetit tonë.
Një prej këtyre historive është udhëtimi i Abigelës. Me mbështetjen tonë, ajo fitoi një vend në Queen’s College në Mbretërinë e Bashkuar për studimet e saj të mesme. Sot, ajo vazhdon rrugëtimin akademik në universitetin prestigjioz Eindhoven University of Technology (TU/e) në Holandë. Suksesi i saj është një kujtesë e fuqishme për prindërit dhe studentët: me mbështetjen e duhur, ëndrra për të studiuar në institucionet më të mira ndërkombëtare është plotësisht e realizueshme.
Por puna jonë nuk përfundon vetëm me këshillimin individual. Çdo vit, ne sjellim botën e arsimit më pranë Shqipërisë përmes World Education Fair, eventi më i madh i arsimit ndërkombëtar në vend. Në këtë panair, studentët dhe prindërit kanë mundësinë unike të takohen drejtpërdrejt me përfaqësues të universiteteve dhe shkollave më të mira, të bëjnë pyetje, të eksplorojnë bursa dhe të shohin nga afër mundësitë e shumta arsimore që i presin.
Detajet mbi eventet e ardhshme mund të gjenden gjithmonë në www.worldeducation.al, duke u dhënë familjeve mundësinë të planifikojnë dhe të përfitojnë sa më shumë nga këto eksperienca të vlefshme.
Lidership i fortë dhe vizionar
Integral udhëhiqet gjithashtu nga përvoja e Helen Lami, një eksperte britanike e arsimit me dekada përvojë ndërkombëtare. E vendosur në Mbretërinë e Bashkuar, Helen është CEO e Academic Summer LTD, një prej ofruesve kryesorë të programeve verore akademike në Britani. Lidershipi, ekspertiza dhe vizioni i saj global forcojnë misionin e Integral për të lidhur familjet shqiptare me mundësitë më të mira jashtë vendit, duke siguruar që studentët të ndjekin gjithmonë standardet më të larta të arsimit.
Rrugëtimi i suksesit fillon këtu
Integral ka ndihmuar breza studentësh shqiptarë të hapin dyer drejt mundësive ndërkombëtare, duke siguruar sukses akademik, zhvillim personal dhe besim për të shkëlqyer kudo në botë. Prindërit dhe studentët që dëshirojnë të bëjnë hapin e parë drejt një të ardhmeje ndërkombëtare mund të përfitojnë nga konsultimi falas me ekspertët e Integral, një mundësi për të planifikuar rrugëtimin drejt shkollave dhe universiteteve më të mira në botë. Mos prisni; hapi i parë drejt ëndrrës së fëmijës suaj mund të fillojë sot.
Ky artikull është publikuar në numrin 39 të revistës Businessmag
Abonohu për të lexuar artikujt e BM!
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
