Instituti i Statistikave raportoi se ekonomia u rrit me 2.42 per qind ne tremujorin e katert te vitit, e udhehequr nga sektori i ndertimit.
Drejtori i Pergjithshem i INSTAT-it, Gjergj Filipi listoi deget me kontributin me te madh ne rritjen ekonomike.
“Kontributi kryesor jepet nga deget e ekonomise, si ndertimi me 1.56 per qind, sherbimet e tjera me 0.95 per qind, tregti-hotel-restorante me 0.54 per qind”, tha Filipi.
I vetem, sektori i ndertimit ka dhene mbi 65 per qind te rritjes ekonomike ne tremujorin e katert dhe shkaku kryesor eshte perqendrimi i larte i investimeve publike ne fund te vitit.
“Kjo ka te beje me shperndarjen vjetore te proceseve te ndertimit. Per sa kohe qe ne krahasohemi me nje situate te larte apo te ulet qofte ajo, te tremujorit te njejte te vitit pararendes, ne ketu do reflektojme ritmiken sipas secilit tremujor”, tha drejtuesi i INSTAT-it.
Nderkaq, bujqesia dhe postkomunikacioni dhane kontribut negativ ne ekonomi gjate tremujorit, pasi u rrudhen krahasuar me nje vit me pare.
Tremujori i katert permbyll dhe gjithe vitin 2014, duke i lejuar INSTAT-it te publikoje keshtu shifren paraprake te rritjes ekonomike vjetore.
“Ky eshte momenti i pare, por ne kemi nje ritmike vjetore per vitin 2014, ne kontekstin e vleres se shtuar bruto. Dhe, ky tregues shenon per vitin 2014, vleren prej 1.89 per qind”, tha Filipi.
Qeveria dhe FMN paten parashikuar nje rritje prej 2.1 per qind gjate vitit 2014, nga 1.9 qe rezulton ajo sipas tremujoreve. Megjithate INSTAT thote se shifra e raportuar prej tij i referohet vleres se shtuar bruto, e cila nuk perfshin kontributin e taksave dhe subvencioneve ne ekonomi dhe paralelisht eshte subjekt rishikimi gjate muajve ne vijim.
Gazeta Shqip
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
