Instituti i Statistikave njoftoi se shitjet me pakicë janë rritur me 6,8% në tremujorin e fundit të vitit 2015, krahasuar me të njëjtën periudhë të një viti më parë.
Nëse brenda këtij grupi do të përjashtohej shitja e karburanteve, rritja do të ishte 13,5%.
Në fakt, shitjet për naftën dhe benzinë kanë pësuar një ulje prej 4,7%.
Në këtë tremujor, në grupin “ushqime, pije, duhan” shitjet janë rritur 20,5% krahasuar me të njëjtin tremujor të vitit 2014, duke dhënë kështu dhe kontributin kryesor në indeksin e volumit të shitjeve në tregtinë me pakicë.
Shitjet për grupin e produkteve jo-ushqimore në njësi tregtare të specializuara dhe jo të specializuara janë rritur 10,2% kundrejt të njëjtës periudhë të vitit paraardhës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
