Ndërsa bota e zhvilluar po kalon masivisht në platforma dixhitale, duke rritur rendimentin e punës në shumë sektorë, vendi ynë ka bërë hapa prapa në këtë drejtim. Ende shumë larg normave mesatare të përdorimit të internetit e tregtisë online, krahasuar me BE-në, vlerësimet e fundit të Institutit të Statistikave tregojnë se ka pasur ulje të standardeve në këtë drejtim.
Sipas publikimit të fundit për Teknologjinë e Informacionit dhe Komunikimit në Ndërmarrje, që i referohet vitit 2016, shpejtësia më e madhe e shkarkimit të informacionit, në 50,7 % të ndërmarrjeve, është nga 2-10 Mbit/s, duke u ulur me 13,3 %, në krahasim me vitin 2015. Ndërsa, numri i ndërmarrjeve që kanë patur shpejtësinë e shkarkimit të informacionit më të lartë se 10 Mbit/s është rritur me 7,4 %, krahasuar me vitin e kaluar.
Sipas raportit, ndërmarrjet që kanë pasur faqe interneti janë 51,6 % e totalit. Në 66 % të ndërmarrjeve, faqja e internetit është përdorur për të shfaqur kataloget e produkteve ose çmimet e tyre.
Tregtia online, në nivele të ulëta, ka shënuar një tkurrje të mëtejshme në 2016-ën. Vetëm 7,1 % e ndërmarrjeve kanë shitur produkte/shërbime nëpërmjet faqes së internetit apo aplikacioneve të dedikuara, sipas INSTAT, nga 8.8% e ndërmarrjeve që tregtonin online një vit më parë.
Peshën më të madhe të tregtisë elektronike e zënë ndërmarrjet që ushtrojnë aktivitet në fushën informacion dhe komunikacioni me gati 25 %, pasuar nga transport dhe magazinim me 19 % dhe aktivitetet profesionale, shkencore dhe teknike me 12 %.
Ulja ka ardhur masivisht nga ulja e shitjeve online nga sektori i pasurive të paluajtshme Sipas statistikave të INSTAT rënia ka ardhur nga sektori i pasurive të patundshme, I cili nuk ka kraportuar shitje online, nga mbi 8% që raportonte një vit më parë.
Në ndërmarrjet e aktivitetit ndërtim, 2,1 % kanë shitur produkte/shërbime online dhe në ndërmarrjet përpunuese ky tregues është 4,3 %.
Media sociale (Facebook, Linkedln,Tëiter, Youtube etj.) është përdorur në 38,9 % e ndërmarrjeve, sipas INSTAT
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
