Inflacioni me rënie të lehtë gjatë nëntorit - Business Magazine Albania

Inflacioni me rënie të lehtë gjatë nëntorit

Pasi shënoi rritje të vazhdueshme prej një viti, inflacioni shfaqi shenja ngadalësimi në nëntor. Sipas institutit të Statistikave, norma e inflacionit arriti muajin e kaluar 7.9%, nga 8.3% që ishte në tetor që përkon edhe me nivelin më të lartë të këtij treguesi në më shumë se dy dekada. 

Që prej tetorit të vitit të kaluar çmimet e konsumit janë rritur me ritme të shpejta. Ndikimin më të madh në frenimi e inflacionit muajin e kaluar e ka dhënë transporti, pasi çmimet e këtij grupi shënuan rënie, ndjekur nga grupet qira, ujë e energjisë elektrike.

Megjithatë, pavarësisht kësaj çmimet vijojnë të jenë sërish të larta veçanërisht ato të ushqimeve ku familjet shqiptare çojnë gati 42% të shpenzimeve për blerjen e tyre. Krahasuar me nëntorin e kaluar, artikujt ushqimore janë shtrenjtuar me gati 14.7%, ndërsa në raport me muajin e mëparshëm u ulën lehtë me 0.1%.

Lexo edhe: Banka e Shqipërisë: Rriten normat e interesit të kredive për qytetarët dhe bizneset

Edhe çmimet e karburanteve janë të larta duke ndikuar kështu ecurinë e inflacionit. Vetëm pak ditë më parë bordi i monitorimit të çmimit të naftës uli çmimin e naftës poshtë 200 lekë për litër, për herë të parë që prej krijimit të tij.

Ndërkohë edhe në nëntor ka vijuar shtrenjtimi për mobilimin e shtëpive, për ofrimin e shërbimeve arsimore si dhe shëndetin, ndërsa kostot janë rritur edhe për grupet e tjera, veshjet, komunikimin si dhe për kafenetë e restorantet.

Projeksionet flasin që inflacioni të vijojë të qëndrojë i lartë duke u kthyer në një rrezik për ekonominë, ndërsa Banka e Shqipërisë për ta frenuar atë rriti në nëntor për të 5-ën herë radhazi brenda vitit normën bazë të interesit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #36 - Tetor 2024

Vjeshta solli rikthimin e aktiviteteve biznesore në ritmin e tyre të plotë, pas pushimeve të verës. Sipërmarrjet shqiptare, me dinamikat e tyre të pandalshme, janë aktualisht para një sfide dhe mundësie më të madhe. Proceset e përafrimit me BE-në krijojnë një mundësi për një treg më të madh, por kjo kërkon njëkohësisht përgatitjen të duhur për tregun.

Eventet e fundit, veçanërisht Future2Tech, tregoi se shumë kompani shqiptare, kryesisht në fushën e zhvillimit të Softwareve, po punojnë tashmë për tregun e huaj dhe janë kompani ndërkombëtare në kuptimin e plotë të fjalës. 

Në brendësi të këtij numri ne kemi sjellë histori brandesh dhe histori njerëzore; histori sipërmarrësish dhe profesionistësh, të cilët kanë investuar kohë dhe pasion në punët e tyre për të parë rezultatet që duken sot. Një prej brandeve për të cilin flasim sot, mbyll 3 dekada biznes në Shqipëri, diçka që vlen të marrë përgëzime nga të gjithë. 

Histori nga vendi dhe diaspora, rrugëtime në tregti, shërbim, apo edhe konsulencë, ky numër sjell një gamë të gjerë artikujsh, të shtrirë madje mes biznesit dhe artit, të cilat, kur ndërthuren, sjellin zhvillime shumë të bukura për shoqërinë.

Interesant është fakti se kushdo që …

Shiko më shumë
Na ndiqni në rrjetet sociale
0