Neuralink, kompania e ndërveprimit tru-kompjuter (BCI) e themeluar nga Elon Musk, ka shënuar një tjetër hap të rëndësishëm drejt integrimit të teknologjisë me trupin e njeriut. Më herët këtë muaj, kompania njoftoi se kishte përfunduar me sukses dy ndërhyrje kirurgjikale në të njëjtën ditë, për herë të parë në historinë e saj.
Të dy procedurat u realizuan në një fundjavë dhe pacientët tani janë në fazë rikuperimi. “Përfunduam me sukses P8 dhe P9 këtë fundjavë, hera e parë që realizojmë dy ndërhyrje në një ditë,” shkroi Neuralink në një postim në platformën X.
Pas këtij njoftimi, një nga pacientet që mori implantin e Neuralink, Audrey Crews, ka ndarë publikisht përparimet e saj mbresëlënëse. “ Jam gruaja e parë në botë me një ndërfaqe Neuralink BCI. Mezi pres që bota të më njohë dhe të ndjekë rrugëtimin tim,” shkroi ajo në X.
Lexo edhe:Elon Musk: Neuralink do t’u rikthejë shikimin të verbërve brenda një viti!
Crews është e paralizuar prej 20 vitesh dhe pranoi të bëhej pjesë e këtij ndërhyrjeje me shpresën për të rikthyer disa funksione. Pas operacionit, ajo bëri të ditur se ka arritur të shkruajë emrin e saj për herë të parë që nga lëndimi që e paralizoi. “Për herë të parë pas 20 vitesh u përpoqa të shkruaja emrin tim. Jam duke punuar për këtë,” tha ajo në një tjetër postim.
Përveç të shkruarit, Crews ka zbuluar se tashmë është në gjendje të luajë edhe lojëra në kompjuter, duke përdorur vetëm fuqinë e mendjes së saj, falë implantit të Neuralink.
Ky zhvillim përfaqëson një arritje të rëndësishme për teknologjinë e ndërfaqeve tru-kompjuter dhe për potencialin që ka për të transformuar jetën e njerëzve me kufizime fizike. Neuralink synon të avancojë më tej në këtë drejtim, duke ofruar zgjidhje që shkojnë përtej kufijve të mundësive tradicionale mjekësore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
