Jeff Bezos, një nga njerëzit më të pasur në botë dhe shefi ekzekutiv i Amazon ka konfirmuar se do të udhëtojë në hapësirë muajin tjetër. Bezos, i cili themeloi kompaninë hapësinore “Blue Origin”, do të udhëtojë së bashku me vëllain e tij dhe fituesin e një ankandi.
“Që kur isha pesë vjeç, kam ëndërruar të udhëtoj në hapësirë. Më 20 Korrik, unë do ta bëj këtë udhëtim me vëllain tim. Aventura më e madhe, me mikun tim më të mirë.”,-shkroi miliarderi në një postim në llogarinë e tij në Instagram.
https://www.instagram.com/p/CP0MSOqnYEo/
Blue Origin është një ndër kompanitë më të njohura të turizmit hapësinor, bashkë me SpaceX të Elon Musk dhe Virgin Galactic Holdings të Richard Branson. Për të gjithë personat e interesuar për të marrë pjesë në këtë fluturim, ekziston vetëm një biletë e cila ka dalë në ankand, ku ofertuesi më i madh i momentit është një person me $2.8 milionë. Ankandi do të përfundojë në 12 qershor.
Kompania ka thënë se klientët do të përjetojnë një eksperiencë 4 ditore, duke përfshirë 3 ditë trajnim para fluturimit në kampin e nisjes në Texas. Kapsula hapësinore ka “dritaret më të mëdha në historinë e anijeve kozmike”, sipas website-it zyrtar të Blue Origins, në mënyrë që pasagjerët të kënaqen me pamjet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
