Një valë të nxehti mbytës ka bërë që në mbarë Europën të regjistrohen temperature rekord për qershorin. Fronti përvëlues ka bërë të kapërcehet kufiri mesatar i temperaturave karakteristike për këtë muaj, e kjo vlen edhe për veriun e kontinentit të vjetër. Dy ditë më parë, termometri në Norvegji shënoi 32.5 gradë Celsius, që është një rekord në Rrethin Arktik. Në qershor, thotë BBC, Polonia shënoi temperatura mbi 35 gradë Celsius, e më shumë se 37 gradë u regjistruan në Gjermaninë Lindore.
Lexo edhe: Temperaturat e larta në të dy polet po i tmerrojnë shkencëtarët
Rekord temperaturash u shënuan edhe në Ballkan; Sllovenia e Kroacia përjetuan qershorin më të nxehtë, ndërsa Bosnja – Hercegovina iu afrua rekordit të këtij muaji atje prej 41 gradësh Celsius. Përvëlimi ka pushtuar dhe veriun e Afrikës; ferri i vërtetë u shënua në Tunizi, ku metereologët matën 48.7 gradë. Disa zona në jug të Austrisë u përballën ndërkohë me stuhi që shkaktuan rrëshqitje toke, duke vrarë një person e duke shkaktuar përmbytje e bllokim rrugësh në rajonin e Carinthias, ndërsa një përkeqësim i kushteve atmosferike pritet më vonë gjatë javës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
