I ftuari i Startup Grind Tirana, një kontribues i zhvillimit të ekonomisë shqipëtare - Business Magazine Albania

I ftuari i Startup Grind Tirana, një kontribues i zhvillimit të ekonomisë shqipëtare


Avni Ponari, CEO i SIGAL UNIQA GROUP AUSTRIA, një nga grupet më të mëdha të sigurimeve në rajon, lider i tregut të sigurimeve në Shqipëri dhe Kosovë, do të jetë i ftuari special i radhës në Startup Grind Tirana që do të zhvillohet më 24 shtator në orën 17.30 në mjediset e Proktik ICT Resource Center. 

Ponari pason  një figure të rëndësishme në sferën e sipërmarrësve botërore, investitorin turk, Baybars Altuntaş, i cili u ftua nga Startup Grind Tirana majin e kaluar duke shkaktuar nje jehone ne media dhe qarqet e biznesit ne vend.

Ponari themeloi në vitin 1999  SIGAL UNIQA fill pas procesit të privatizimit të tregut të sigurimeve në Shqipëri.
Duke pasur vizionin e duhur kundrejt ekonomisë së tregut dhe qëllimeve konkrete të zhvillimit, Ponari bëri të mundur realizimin e marrëveshjes me American Fund që ishte investitori i parë i huaj që depërtoi në tregun e sigurimeve në 2003. Një histori tjetër suksesi ishte marrëveshja me një investitor strategjik si UNIQA INSURANCE GROUP që është aksioner kryespr i kompanisë (68.64%) dhe një nga garantuesit më të mëdhenj të tërë tregut të sigurimeve.

Përveç përfshirjes së tij në industrinë e sigurimeve, Ponari ka ndikuar fort në zhvillimin e ekonomisë shqipëtare dhe financat e vendit ndërsa menaxhon dhe drejton shumë bzinese të tjera që operojnë suksesshëm në Shqipëri dhe në rajon.

Kontributi i madh dhe spikatës i Z. Ponarit është një ndër faktorët kryesorë  që shumë institucione shqipëtare dhe ndërkombëtare e kanë emëruar atë anëtar bordi: Shoqata e Investitoreve te Shqiperise, Agjensia  e Zhvillimit të Investimeve Shqiptare,  Dhoma Amerikane e Tregtise e te tjere. Që nga viti 2009, Z. Ponari është Konsull i Përgjithshëm Nderi i Japonisë në Shqipëri.

—-

►Vendi i aktivitetit
Protik ICT Center, “Papa Gjon Pali” Street, Nr 3, Tirana

►Axhenda:
17:30 Networking and Food
18:30 Fireside Chat
19:30 Networking

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0