Duke filluar nga dita e sotme (15 gusht 2019) hyn në fuqi ligji antiduhan. Kjo deklaratë u bë e ditur për mediat nga Minstrja e Shëndetësisë Ogerta Manstirliu. Ligji parashikon ndalimin e përdorimit të cigares elektronike, duhanit me ngrohje apo shisha/nargjile, në ambiente të mbyllura.
Masat e rrepta do të jenë si për shitësit, ashtu edhe për pronarët e lokaleve që lejojë konsumimin e lëndëve të lartëpërmendura në ambientet e lokalit dhe që e shërbejnë atë për të rrinj nën moshën 18 vjeç.
Gjoba që do të akordohet për shitësit që do të shesin lëndët e duhanit për të rinj nën moshën 18 vjeç do të jetë 100’000 lekë. Për të gjithë subjektet që shkelin ligjin për pirjen e duhanit në ambientet e brendshme, është 300 mijë lekë.
Në rast se shkelja do të përsëritet gjoba do të gjashtëfishohet, madje mund të rezikojnë edhe pezullim të aktivitetit të biznesit.
Lexo: Cigaret elektronike si duhani?
“Nuk është një aksion sporadik, inspektorët e shëndetësisë do të jenë çdo ditë në terren për të monitoruar zbatimin e ligjit për mbrojtjen e shëndetit nga duhani, përfshirë edhe cigaret elektronike, shisha/nargjile dhe çdo lloj produkti duhani. Nëse nuk respekton ligjin, nuk falesh! 6-fishim gjobe -pezullim aktiviteti për subjektet që shkelin ligjin në mënyrë të përsëritur” shkruan Manastirliu.
Brenda një periudhe 2 vjeçare ligji synon të heqë nga tregu paketimet e vogla që kanë nga 10 cigare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English