Huawei, sponsori kryesor i eventit Demo Day nga Tirana Inc - Business Magazine Albania

Huawei, sponsori kryesor i eventit Demo Day nga Tirana Inc

Huawei

Huawei ishte sponsori kryesor i eventit Demo Day, të realizuar nga Tirana Inc. në datën 17 shkurt në sallën e koncerteve “Tonin Arapi”. 10 ekipe startup-esh studentore, të cilat kanë qenë pjesë e programit të parë pilot Tirana Inc., prezantuan idetë e tyre të biznesit në DEMO DAY, përpara ambasadorëve të BE-së dhe të shteteve anëtare, ministres së Shtetit për Mbrojtjen e Sipërmarrjes, kryetarit të bashkisë së Tiranës, përfaqësuesve të Huawei-t, përfaqësuesve të universiteteve dhe sektorit privat, aktorëve të ekosistemit të inovacionit, miqve dhe familjarëve. Inkubatori i parë multi-universitar në Shqipëri ka si qëllim të mbështesë ekipet studentore me ide të shkëlqyera biznesi dhe të bëhet destinacioni numër një për sipërmarrësit e rinj që synojnë të ndërtojnë biznesin e tyre.

Gjiganti kinez, i pranishëm në Shqipëri që prej vitit 2008 është përkujdesur që t’i vijë në ndihmë studentëve shqiptarë me praktikat dhe pajisjet më të fundit të teknologjisë elitare në botë. Vitin e kaluar, Huawei në bashkëpunim me Fakultetin e Teknologjisë së Informacionit, nisi rrugëtimin e programit ndërkombëtar “Seeds for Future” për herë të parë në Shqipëri dhe sponsorizoi Tirana Inc. me pajisjen inteligjente Huawei IdeaHub. Huawei IdeaHub është një mjet produktiviteti për zyrën inteligjente, e cila bashkon shkrimet, video konferencat me definicion të lartë (HD) dhe mundësitë për të qenë i lidhur përmes wireless. Nëpërmjet kësaj pajisje të zgjuar, studentët shqiparë do të kenë mundësinë të ndërtojnë një botë plotësisht të lidhur dhe inteligjente.

Demo Day ishte një program gjatë të cilit sipërmarrësit e rinj fituan aftësi për të komunikuar në mënyrë efektive idenë e tyre të biznesit tek investitorët potencialë dhe palët e tjera të interesuara. Ambasadori i BE-së, Luigi Soreca, i pranishëm në aktivitet u shpreh: “Përpjekjet e përbashkëta të shteteve  anëtare nën ombrellën e projektit, me multi-donatorë ‘EU for Innovation’, kanë ndihmuar shumë në  krijimin e Tirana Inc. Një projekt i tillë është në interesin e të rinjve shqiptarë, sidomos nën kornizën e mundësive nga Tirana, Kryeqyteti Rinor Evropian 2022 për të ndarë vizione, për të shfaqur talente, për të  takuar njerëz të rinj dhe për t’u angazhuar.”

Lexo: Startup-et studentore vlerësohen me çmime pas 100 ditëve të inkubimit me Tirana Inc.

Marjan Hoxha, Drejtues i Huawei-t për Bizneset në Shqipëri, Maqedoni dhe Kosovë, ka reaguar përmes një postimi në rrjete sociale lidhur me këtë event të rëndësishëm të realizuar nga Tirana Inc. “Ne si Huawei, së bashku me Tirana Inc. u japim të rinjve mundësinë të udhëheqin përmes inovacionit. Krenar që shoh Huawei-n të mbështesë brezin e ri, krenar që shoh produktin Huawei IdeaHub të mbështesë Tirana Inc. dhe të jetë pjesë e BE-së për iniciativën e inovacionit në Shqipëri.”

Edukimi i mirë është toka pjellore në të cilën zënë rrënjë ëndrrat, prandaj Huawei është përkushtuar t’i japë mundësi arsimore të gjithë të rinjve të kuptojnë njohuritë më të fundit të TIK-ut duke mbjellë farat e një të ardhmeje digjitale të lulëzuar.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0