Huawei prezantoi në datë 27 shkurt në Forumin Huawei Day0 udhëzuesin për një ekonomi digjitale më të mirë, per t’ju ardhur në ndihmë operatorëve globalë në fushën e TIK-ut të arrijnë rritje të të ardhurave dhe të bëhen sa më inteligjentë. Për të bërë realitet strategjinë e tyre të gjelbër, operatorët duhet të punojnë në tre faktorë kryesorë si: dendësia e lidhjes, diversiteti i llogaritjes dhe intensiteti i reduktimit të karbonit. Përveç udhëzuesit, gjatë eventit MWC2022, që do të mbahet në Barcelonë nga data 28 shkurt deri në 3 mars, Huawei do të shfaqë produktet dhe zgjidhjet inteligjente në stendën 1H50 në sallën e parë në Fira Gran Via.
Forumi filloi me fjalimin “Ndriçimi i së ardhmes” i mbajtur nga drejtori ekzekutiv i Huawei-t, z.Ryan Ding, i cili theksoi tre faktorët kryesorë në të cilat duhet të punojnë operatorët e industrisë së TIK-ut për të krijuar një ekonomi digjitale më të mirë. Dendësia e lidhjes, diversiteti i llogaritjes dhe intensiteti i reduktimit të karbonit janë faktorët që u japin operatorëve levat që u nevojiten për të formuar të ardhmen e një ekonomie të gjelbër. Për të ndërtuar një ekonomi me karbon të ulët dhe produktivitet të lartë, Ding u bëri thirrje operatorëve globalë që t’i bashkohen Huawei-t në planin e tij të biznesit.
Ekonomia digjitale globale po zhvillohet me shpejtësi dhe mbi 50% e PBB-së globale do të digjitalizohet në vitin 2022. Duke rritur densitetin e lidhjes, operatorët do të rrisin bazën e tyre të përdoruesve 5G dhe do të zgjerojnë fushën e biznesit të tyre. Deri në fund të vitit 2021, më shumë se 200 operatorë kanë vendosur rrjete komerciale 5G, duke u shërbyer më shumë se 700 milionë përdoruesve dhe aktualisht janë mbi 1200 pajisje komerciale 5G në përdorim.
Lexo: Huawei, sponsori kryesor i eventit Demo Day nga Tirana Inc
Shumë industri po digjitalizohen dhe infrastruktura e e IT-së duhet të rindërtohet për të nxitur operacione më efikase. Duke krijuar sinergji midis IT dhe CT, cloud dhe edge, cloud dhe rrjeteve, Huawei shpreson të ndihmojë operatorët të bëhen inteligjentë dhe të arrijnë rritje të të ardhurave. Zgjidhja OneStorage i ka ndihmuar operatorët të ulin koston totale të pronësisë me 30%.
Huawei prezantoi në forum edhe strategjinë e gjelbër “Më shumë Bit, Më shumë Wat”. Me gamën e plotë të zgjidhjeve të gjelbra, duke përfshirë vendndodhjen e gjelbër, rrjetin e gjelbër dhe funksionimin e gjelbër, Huawei synon të ndihmojë operatorët të rrisin kapacitetin e rrjetit dhe të ulin konsumin e energjisë për bit. Huawei propozoi gjithashtu indeksin e intensitetit të karbonit në rrjet për të përcaktuar sasinë e emetimeve të karbonit të industrisë së TIK-ut dhe për të ndihmuar operatorët të bëjnë realitet strategjinë e tyre të gjelbër.
Së bashku me operatorët e tjerë, Huawei do të punojë për të sjellë zgjidhje të reja në shërbim të rritjes ekonomike globale.
Për më shumë informacion rreth eventit MWC 2022, ju mund të vizitoni linkun këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English