Huawei, performancë e qëndrueshme biznesi - Business Magazine Albania

Huawei, performancë e qëndrueshme biznesi

Huawei

Huawei ka prezantuar rezultatet e biznesit për tremujorin e parë të vitit 2021, të cilat rezultuan në përputhje me parashikimet.

Në tremujorin e parë, Huawei gjeneroi 152.2 miliardë Yuan kinez të ardhura, një rënie prej 16.5% nga viti në vit. Rrjeti i biznesit vazhdoi me një rritje të qëndrueshme, ndërsa të ardhurat e biznesit të konsumatorit ranë pjesërisht si rezultat i shitjes së pajisjes inteligjente ‘Honor’ në nëntor të 2020.

Megjithatë, marzhi i fitimit neto të Huawei u përmirësua me 3.8 pikë përqindje në 11% nga viti në vit, si rezultat i përpjekjeve të vazhdueshme të kompanisë për të përmirësuar cilësinë e operacioneve dhe efikasitetin e menaxhimit, si dhe të ardhura prej 600 milionë dollarësh nga patentat.

“2021 do të jetë një tjetër vit sfidues për ne, por është gjithashtu viti kur strategjia jonë e zhvillimit do të nisë të marrë formë”, tha Eric Xu, Drejtuesi i Huawei. “Ne falenderojmë klientët tanë dhe partnerët për besimin e tyre të vazhdueshëm. Pavarësisht sfidave që na dalin përpara, ne do të vazhdojmë të ruajmë qëndrueshmërinë e biznesit tonë. Jo vetëm për të mbijetuar por për të qenë të qendrueshëm. Si gjithmonë, ne do të fokusohemi në nevojat e konsumatorëve tanë dhe vazhdojmë të japim vlera praktike të biznesit.”

Huawei po nxit përpjekjet për të filluar plotësisht 5G. Kjo po ndihmon transportuesit në të gjithë botën që të përhapin rrjetet e tyre 5G, në përmbushjen e kërkesave të konsumatorëve dhe industrive njësoj, ndërsa rrit efikasitetin e vet të shpërndarjes. Kompania po vazhdon të përmirësojë aftësitë e saj inxhinierike të software duke rritur investimet në këtë sektor.

“Si gjithmonë, ne vazhdojmë ne mbetemi besnikë të risive teknologjike dhe investimeve të mëdha në R&D (rikërkim dhe zhvillim), ndërsa punojmë për të adresuar sfidat e vazhdimësisë së furnizimit të shkaktuara nga kufizimet në treg”, shtoi Xu. “Ne do të vazhdojmë të përparojmë në shkencën themelore dhe të shtyjmë kufijtë e teknologjisë.”

Informacion mbi Huawei

Huawei është një ofrues kryesor global i infrastrukturës së teknologjisë së informacionit dhe komunikimit (TIK) dhe pajisjeve inteligjente. Me zgjidhje të integruara në katër fusha kryesore – rrjetet e telekomit, IT, pajisjet inteligjente dhe shërbimet cloud – ne jemi të përkushtuar për të sjellë teknologjinë e fundit te çdo person, shtëpi dhe organizatë për një botë të lidhur dhe plotësisht inteligjente.

Portofoli i produkteve, zgjidhjeve dhe shërbimeve të Huawei janë si konkurrues ashtu edhe të sigurt. Përmes bashkëpunimit të hapur me partnerët e ekosistemit, ne krijojmë vlera të qendrueshme për klientët tanë, duke punuar për të fuqizuar njerëzit, pasuruar jetën në shtëpi dhe frymëzojmë risi në organizata të të gjitha formave dhe madhësive. Novacioni i Huawei përqendrohet te nevojat e klientit. Ne investojmë shumë në kërkime themelore, duke u përqendruar në përparime teknologjike që e çojnë botën përpara. Kemi 197,000 punonjës dhe operojmë në më shumë se 170 vende dhe rajone.

E themeluar në vitin 1987, Huawei është një kompani private në pronësi të plotë të punonjësve të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0