Këtë e konfirmon Autoriteti Federal i Sigurisë Kibernetike në Gjermani (BSI), i cili ka deklaruar për gazetën e përditshme ‘Spiegel’ se pajisjet e Huawei-t nuk përdoren për spiunazh. Gjatë vizitës në laboratorin e sapohapur nga gjiganti kinez në Bon ekspertët e BSI kanë inspektuar masat e sigurisë kibernetike të firmës dhe softuerin e produkteve të saj ku kanë dale në përfundimin se nuk ka asnjë prove që të vërtetojë se Huawei përdor pajisjet e saj për spiunim. Pjesë e ekzaminimit nga ana e ekspertëve kanë qenë edhe produktet e Huawei-t nga e gjithë bota që kanë vërtetuar të njëjtin fakt.
Huawei ka qenë gjithmonë pre e “shantazhit amerikan”. Washingtoni e konsideron Huawei-n si prodhuesin më të madh në botë për pajisjet e telekomunikacionit dhe krijuesin e dytë më të madh të smartfonëve, i cili paraqet rrezik për sigurinë kombëtare. Së fundmi kompania është përballur me një kontroll në rritje për lidhjet e saj të supozuara me shërbimet e inteligjencës kineze, duke bërë që vende si Shtetet e Bashkuara, Australia dhe Japonia ta bllokojnë atë nga ndërtimi i rrjeteve të tyre të internetit super të shpejtë 5G të gjeneratës së ardhshme.
Duke pare që tre operatorët e rrjetit celular të Gjermanisë përdorin infrastrukturën e ofruar nga Huawei, SHBA ka ushtruar presion edhe ndaj Gjermanisë që të bllokojë zgjerimin e rrjetit 5G. Sipas amerikanëve, qeveria kineze mund ta përdorë teknologjinë e Huawei-t për të zgjeruar kapacitetet e saj të spiunimit. Në lidhje me këtë situatë ka reaguar kreu i Autoritetit Federal të Sigurisë Kibernetike Gjermane (BSI), Z. Arne Schönbohm i cili është shprehur : “Për vendime të tilla serioze si ndalimi, kemi nevojë për prova. Në inspektimet që kemi bërë në laboratorin e Bonit dhe në produktet e Huawei-t që ndodhen në të gjithë botën agjencia jonë nuk ka siguruar prova që të vërtetojnë se gjiganti kinez i telekomunikacionit përdor pajisjet e tij për të spiunuar për Pekinin.”
Lexo: Punonjësit e Salesforce revoltohen për lëvizjet NFT
Huawei është bërë shkak i vazhdueshëm për tensione gjeopolitike me Kinën. Qeveria gjermane ka bërë rezistencë si ndaj SHBA, ashtu edhe ndaj agjensive gjermane të inteligjencës të cilat pohojnë se lidhja e Huawei-t me partinë komuniste kineze paraqet rrezik për sigurinë e informacionit. Gjermania ka insistuar gjithmonë për rritjen e standarteve të sigurisë, pa u vendosur ndalesë kompanive individuale.
Pavarësisht kërcënimeve të ndryshme, Gjermanianuk do ta bojkotojë asnjëherë gjigantin kinez të telekomunikacionit dhe këtë e ka dëshmuar që në vitin 2020 kur kundërshtoi paralajmërimet e SHBA-së dhe lejoi hyrjen në treg të rrjetit 5G.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
