Janë të rinj plot ide dhe dëshire për të revolucionarizuar tregun vendas dhe botëror me shpikjet e tyre teknologjike.
Janë të etur për sukses edhe pse në hapat e parë, sipërmarrësit e rinj tregojnë historitë personale sesi ia kanë dalë mbanë, nga një investim modest por me ide te qarta në kokë sot këta të rinj fitojnë miliona.
“Shpi.al është i vetmi portal dedikuar shtëpive. Ne kemi filluar me 400 dollarë sot gjenerojmë 10-fishin e kësaj vlere në muaj. E bukura e teknologjisë mund të bësh gjëra të mëdha me pak lekë”, thotë Tomi Kallanxhi, themelues dhe drejtor ekzekutiv i i sitit Shpi.al.
“Novacioni ynë është dixhitalizmi i gjithë kartelave të dentistëve. Për herë të parë në aplikacionin tonë pacientët mund të kenë historikun e tyre dentar. Ideja lindi kur dentistit tim i’u prish kompjuteri. Duam të revolucionarizojmë fushën e dentarisë”, tregon Alen Saqe, themelues i kompanise Dentem.
Ndërsa, Megi Kaçaj, Sipërmarrëse e Agjencisë Medical Tourisem thotë: “Duke pasur durim dhe duke rrezikuar do vijnë gjëra shumë të mira”.
Pak kush e di në vendin tonë se “StartUp Grind” është një iniciativë rreth suksesit, edukimit dhe inspirimit. Është historia personale dhe mësimet e marra nga fillimet modeste të një biznesi tek shkëlqimi i tij duke përfshirë edhe dështimet por më e rëndesishmja është historia për të shtruar rrugën drejt ndërtimit të sipërmarrjeve të reja e veçanërisht për te nxitur idetë për ti fuqizuar ato.
E krijuar nga gjigandi Google në Silicon Valley, Kaliforni 5 vite më parë “Startup Grind” është vendi ku CEO -t e kompanive të sukseshshme mblidhen sëbashku me të rinjtë dhe investitorët me qëllim nxitjen e inovacionit dhe shpirtit të sipërmarrjes. Ashtu sikurse në 170 qytete të botës, prej një viti Shqipëria ka tashmë komunitetin shqiptar.
Në një mbrëmje festive ky komunitet i StartUp Grind Albania u mblodh në ambientet e Tirana Biznes Park ku ndau idetë dhe diskutimet me të apasionuarit pas teknologjisë dhe sipërmarrjes.
Startup Grind është një mundësi e artë për të gjithë sipërmarrësit e rinj ku mund të takohen dhe njohin profesionistë të fushave të ndryshme shqiptare dhe të huaj ku mund të ndajnë eksperiencat e tyre.
(BalkanWeb)
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
