Dy hulumtuesit e Institutit Teknologjik të Oksfordit, Mark Graham dhe Ralf Strauman kanë krijuar një hartë globale që tregon numrin e përdoruesve të internetit në shtete të ndryshme.
Shtetet që janë me ngjyra të ndezura janë ato që kanë numrin më të lartë të përdoruesve, shoqëruar kjo edhe me përqindje.
Informacionet për ndërtimin e kësaj harte janë siguruar nga Banka Botërore, e cila që nga viti 1990 gjurmon numrin e përdoruesve të internetit si pjesë e programit të saj të publikimit të indikatorëve ekonomik në botë.
Kontinenti aziatik kryeson listën me 1.24 miliardë përdorues në planet. Kjo shifër është e barabartë me totalin e përdoruesve të internetit në Europë, Amerikën Latine, Lindjen e Mesme, Afrikë dhe Amerikën e Veriut.
Në rang shtetesh, Kina ka numrin më të madh të përdoruesve me 600 milionë. SHBA-ja, India dhe Japonia vijnë pas me 270 milionë, 190 milionë dhe 110 milionë. Më pas vijnë shtetet europiane.
Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
