Happy dhe Foodini partneriteti i ri që e çon në një nivel tjetër eksperiencën e blerjes për klientët Happy - Business Magazine Albania

Happy dhe Foodini partneriteti i ri që e çon në një nivel tjetër eksperiencën e blerjes për klientët Happy

Programi më i madh besnikërisë në vend- Happy dhe kompania për shërbimin e shpërndarjes Foodini, kanë njoftuar një partneritet të ri që synon të çojë në një nivel tjetër eksperiencën e blerjeve për klientët e tyre të përbashkët.

Programi i besnikërisë Happy, menaxhuar nga kompania Onsolutions, pjesë e grupit Balfin. I vetmi program multi-branded në vend që shpërblen klientët për çdo blerje apo shërbim tek partnerët Happy, që aktualisht janë edhe brandet më të mëdha në vend si: Neptun, Spar, Jumbo: Tirana Bank, Fashion Group Albania me: Mango, Geox, Parfois, Prenatal, Okaidi, Carpisa, Cortefiel, Springfield, Women’Secret, Aldo. Me më shumë se 500.000 anëtarë, Happy është një program i dizenjuar për përfitimin e  klientëve të tij me zbritje të veçanta, oferta ekskluzive të personalizuara dhe automatizuara për gjithë partnerët e tij. Nga ana tjetër, Foodini është tashmë një platformë e njohur e shpërndarjes, që ofron zgjedhje nga më të ndryshmet në më shumë se 400 restorante të cilat vijnë menjëherë në shtëpinë apo në vendin tuaj të preferuar.

Bashkëpunimi i ri ka për qëllim të sjellë më shumë vlerë për klientët e tyre të përbashkët, duke ofruar mundësinë e përfitimeve me anë të përdorimit të kartës së besnikërisë Happy për të porositur ushqim nëpërmjet Foodini. Klientët do të kenë mundësi të përfitojnë pikë në çdo porosi dhe të shfrytëzojnë kupona me zbritje të veçanta në çmim, oferta ekskluzive në restorante të caktuara, si dhe përfitime të tjera të personalizuara për ta bërë eksperiencën e tyre më të këndshme.

Lexo edhe: Happy si një partner ideal biznesi, më shumë se 480 mijë anëtarë dhe 30 partnerë të kënaqur nga përfitimet

“Ne jemi të lumtur që kemi arritur këtë marrëveshje me Happy. Besojmë se ky partneritet do të sjellë përfitime të mëdha për klientët tanë të përbashkët duke ofruar eksperiencë më të përmirësuar në blerjet e tyre.”- thekson administratorja e Foodini Znj.Blerta Maklekaj.

Me këtë partneritet, Happy dhe Foodini janë të përkushtuar dhe besimplotë se do të rrisin më tej numrin e klientëve të kënaqur dhe të përfshijnë më shumë restorante dhe biznese në platformën e tyre për të ofruar një gamë më të gjerë të zgjedhjeve për klientët e tyre.

“Jemi të lumtur që mund të prezantojmë këtë bashkëpunim me Foodini”. Happy është i përkushtuar të rrisë përfitimet e klientëve të tij në çdo blerje, duke synuar që klienti Happy të plotësojë 80% të nevojave të tij të përditshmërisë brenda rrjetit të partnerëve Happy, thekson administratorja e kompanisë Znj. Aida Velaj – dhe për këtë, ne jemi duke mbyllur marrëveshjet me brande nga më të suksesshmet në vend, të cilat shumë shpejt, krahas Foodinit do t ‘i bashkohen programit më të madh të besnikërisë në vend.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0