Hapet gara e koncensionit për rrugën Milot-Fier

Hapet gara e koncensionit për rrugën Milot-Fier

rruga Milot-Fier

Pak ditë pas prezantimit të projektit, sot është hapur gara për koncensionin e rrugës Milot-Fier. Koncesioni parashikon projektimin, ndërtimin dhe mirëmbajtjen e rrugës për 35 vitet e ardhshme.

Vlera totale e projektit parashikohet të jetë 1,118 miliardë euro pa TVSH dhe do të bëhet nga kompania fituese.

Ndërsa shteti do të ofrojë garanci për deri në 10 për qind të vlerës së investimit, në rast se trafiku në rrugë nuk është sipas pritshmërisë së koncesionarit.

Kompanitë e huaja dhe shqiptare kanë afat deri në 28 shtator për të aplikuar.

Segmenti do të jetë 115 kilometra i gjatë, ku 53 kilometra do të jenë rrugë të reja që do të ndërtohen, ndërsa 62 kilometrat e tjerë do të jenë rehabilitim i rrugëve ekzistuese.

Rruga do të përfshijë tunele dhe urat e nevojshme për kalimin e makinave, nënkalime dhe mbikalime, hyrje-daljet e kontrolluara dhe stacionet e pagesave. Qytetarët pritet të paguajnë deri në 8,7 euro për kalimin e gjithë segmentit, ose 0.075 euro për një kilometër.

Lexoni: Tesla pranë ndërtimit të makinave tërësisht autonome

Pagesa për këtë segment parashikohet të jetë më e lartë se ajo për Rrugën e Kombit. Aktualisht një automjet për 4 persona paguan 5 euro për kalim në Rrugën e Kombit.

Për të kaluar nga Morina në Fier, përmes Rrugës së Kombit dhe segmentit Milot-Fier, qytetarëve do t’1 kushtojë 13,7 euro për një kalim ose 27,4 euro vajtje-ardhje.

Me ndërtimin e këtij aksi, pritet që rruga Milot-Fier të bëhet për 75 minuta, ndërsa e gjithë rruga nga Morina në Vlorë të shkurtohet në 3 orë.

Segmenti Milot-Fier është pjesë e Korridorit Blu që lidh jugun e Kroacisë, Malin e Zi dhe Shqipërinë me Greqinë, në unazën ku lëviz një pjesë e konsiderueshme e trafikut përgjatë sezonit turistik.

Dokumentet e garës konkurruese Milot-Fier, mund t’i gjeni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0