Komisioni Evropian hap aplikimet për startup-e dhe SME, që ofrojnë zgjidhje për COVID-19


Komisioni Evropian po bën thirrje për startup-e, sipërmarrje të vogla dhe të mesme, të cilat mund të ofrojnë teknologji dhe risi, që mund të ndihmojnë në trajtimin, testimin, monitorimin ose aspektet e tjera të shpërthimit të Coronavirus. KE bën thirrje për të aplikuar me urgjencë në raundin tjetër të financimit nga Këshilli Evropian i Inovacionit.

Afati i fundit për aplikime në Përshpejtuesin EIC është ora 17:00 e Mërkurë 18 Mars (ora lokale e Brukselit).

Me një buxhet prej 164 milionë euro, kjo thirrje është “nga poshtë lart”, do të thotë se nuk ka përparësi të paracaktuara për tematikat. Aplikantët me risitë inovative për Coronavirus-in, do të vlerësohen në të njëjtën mënyrë si aplikantët e tjerë.

Sidoqoftë, Komisioni do të kërkojë të ndjekë me shpejtësi dhënien e granteve EIC dhe financave të përziera (duke kombinuar investimet e granteve dhe kapitalit) për inovacionet përkatëse të Coronavirus, si dhe për të lehtësuar qasjen në fonde të tjera dhe burime investimesh.

Lexoni: Unioni i Dhomave të Tregtisë dhe Industrisë i drejton qeverisë disa kërkesa

EIC tashmë është duke mbështetur një numër startup-esh dhe SME-sh me risi inovative për Coronavirus, të cilave u janë akorduar fonde në raundet e mëparshme. Kjo përfshin projektin EpiShuttle për njësi të specializuara të izolimit, projektin m-TAP për teknologjinë e filtrimit për të hequr materialin viral, dhe projektin MBENT për të gjurmuar mobilizimin njerëzor gjatë epidemive.

Për më shumë informacion vizitoni faqen zyrtare të Europian Union.

 

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale