Kompeticioni Hajde n’Shqipni, mundësuar nga Business Magazine Albania dhe New Media Communications, do të zhvillohet për të dytin vit rradhazi, duke bërë bashkë profesionistë dhe amatorë të artit digjital, fotografisë dhe videografisë, me qëllim promovimin e Shqipërisë përmes talenteve në këto fusha. Misioni ynë është të promovojmë talentet shqiptare dhe përmes kësaj t’i tregojmë botës bukuritë shqiptare, kulturën dhe vlerat, nga syri i artistëve!
Hajde n’Shqipni po ndjek rrugën e inovacionit të vazhdueshëm, duke sjellë risi jo vetëm në mënyrën e organizimit të konkursit por edhe duke zgjeruar mundësitë e konkurimit për pjesëmarrësit. Këtë vit secili pjesëmarrës do të ketë mundësinë të profilizojë punën e tij në tri kategori: Art Digjital, Fotografi dhe Videografi.
Pas lançimit të konkursit profesionistët dhe të apasionuarit pas artit do të ketë mundësinë të ngarkojnë punët e tyre në faqen dedikuar konkursit. Nëse materialet i përmbahen rregullave bazë ato do të postohen në mediat sociale të Business Magazine, nga ku do të shpallen edhe tri çmimet e publikut:
- Arti Digjital më i pëlqyer
- Foto më e pëlqyer
- Video më e pëlqyer
Në përfundim të konkursit, materialet do të vlerësohen edhe nga një juri profesionistësh, nga ku do të shpallen përkatesisht:
- Best Digital Art
- Best Photo
- Best Video
E gjithë maratona një-mujore do të finalizohet në një mbrëmje Gala për ndarjen e çmimeve, me të ftuar pjesëmarrës pretendentët për çmimet, partnerë, partnerë mediatikë, përfaqësues nga institucione shtetërore etj.
Marrja e një çmimi është një vlerë e shtuar në karrierën tuaj, i cili ekspozon punën tuaj në kompani të mëdha dhe krijon mundësitë e duhura për të zgjeruar rrethin e klientëve tuaj potencial. Por, nuk mund të fitoni një kompeticion nëse nuk bëheni pjesë e tij më parë. Aplikoni këtu!
Portali businessmag.al është burimi i të gjithë informacionit të nevojshëm për të gjithë periudhën e mbajtjes së kompeticionit. Për të ndjekur në kohë reale të gjithë punët e pjesëmarrësve vizitoni faqen tonë të Instagram, Facebook, Linkedin dhe për çdo paqartësi shkruani në hajdenshqipni@gmail.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
