Nëse jeni artist i ri (18-35 vjeç në fushat e artit vizualë, dizajner grafikë, muzikantë, atletë apo subjekte të tjera krijuese) dhe mendoni që artin tuaj ta ktheni në biznes, atëherë kjo është thirrja juaj!
15 skuadra më të mira do të përzgjidhen për të marrë pjesë në këtë Hackathon. Aktiviteti, i cili zhvillohet në datat 15 – 17 Mars, përfshin një seri workshop-esh dhe veprimtarish praktike, bazuar në teknikat e “Design-thinking”, ku skuadrat do të kenë 36 orë (2 ditë dhe 1 natë) për të “hack-uar” sfidat e biznesit dhe të krijojnë një koncept ose prototip të produktit apo shërbimit të tyre.
Aktiviteti është dizenjuar për të inkurajuar bashkëpunimin mes komuniteteve të artit, teknologjisë dhe biznesit.
Trajnerët kryesorë do të jenë:
• Mateja Popovic, eksperte trajnimi (design thinking) dhe lektore marketingu, komunikimi dhe kreativiteti ne Universitetin e Shkencave te Aplikuara ne Baltazar Zapresic, Kroaci.
• Shkëlzen Marku, ekspert dhe mentor biznesi (UX dhe dizajn i modelit të biznesit) dhe bashkëthemelues dhe Drejtor i Yunus Social Business Balkans.
Bashkë me dy trajnerët, një grup i gjerë mentorësh dhe ekspertësh (nga komunitetet e artit, biznesit dhe teknologjisë) do të shoqërojnë dhe mbështesin pjesëmarrësit përgjatë gjithë ditëve të aktivitetit.
Nëse jeni anëtar i apasionuar i komunitetit të artit dhe dëshironi të mësoni më shumë ju duhet të plotësoni këtë formular: https://bit.ly/2TvthpX
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
