Grupi Balfin edhe në minierat e Kosovës. Blen kompleksin e ferrokromit të Drenasit


Pas përfundimit të marrëveshjes, grupi Balfin ka arritur të blejë të gjitha aksionet e NewCo Ferronikeli në Drenas të Kosovës. Blerja e uzinës dhe fonderisë së integruar të ferro-nikelit e ka shtrirë aktivitetin e Balfin edhe në tregun minerar të Kosovës.

Grupi bën të ditur se do t’i zotërojë aksionet e NewCo Ferronikeli përmes kompanisë me qendër në Mbretërinë e Bashkuar, NKL Limited, tek e cila Balfin zotëron 90% të aksioneve. Kjo blerje vlerësohet si një hap pozitiv në integrimin mes dy ekonomive.

Ulja e çmimeve të nikelit kishte prekur ndjeshëm Neëco Ferronikeli vitet e fundit, duke mos operuar me kapacitet të plotë në 18 muajt të fundit. Në 4 muajt e fundit kompania kishte ndërprerë plotësisht veprimtarinë, sipas Balfin.

Grupi bën të ditur se do të investojë fonde të mjaftueshme për ta rivënë në punë uzinën dhe brenda muajit të ardhshëm pritet të rikthehet prodhimi me kapacitet të plotë.

Balfin bën të ditur gjithashtu se ka rënë dakord të paguajë borxhet ekzistuese të kompanisë ndaj furnitorëve sa më shpejtë të jetë e mundur si dhe do të paguajë pagat e pashlyera të punonjësve.

Neëco Ferronikeli, vlerësohet si punëdhënësi më i madh në Kosovë me mbi 800 punëtorë ndërsa krijon indirekt të paktën 1500 vende të tjera pune në furnizimin e uzinës me lëndë të para dhe logjistikë, në Kosovë dhe në Shqipëri.

Në tregun e mineraleve Balfin hyri në vitin 2013, me kompaninë Albcrome, pasi bleu të gjitha kuotat e “ACR Holding.

Balfin thekson se përsa i përket “Albchrome” është duke zbatuar planin e një investimi prej 70 milionë dollarësh. Investimi parashikon rritjen e jetëgjatësisë së minierës së Bulqiyës, përmes shfrztëyimit të reyervave të tjera të kromit. Pjesë e investimit janë edhe investimi e rivënia në punë e furrave të reja në Burrel dhe përmirësimet në fonderinë në Elbasan.

Në 2 uzinat me 4 furra dhe minierën e Bulqizës, Albchrome ka mbi 1100 punonjës. Balfin kishte paralajmëruar në fillim të vitit se do të zgjeronte investimet në rajon e në disa shtete të Europës.

Lexoni: Sipërmarrjet shqiptare rrisin investimet në Ballkan

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale