Greqia po pretendon të ketë një rol qendror në transferimin e energjisë së gjelbër të prodhuar në Afrikë dhe Lindjen e Mesme në Europën Qendrore dhe Perëndimore, e cila ka nevojë urgjente të zëvendësojë gazin natyror rus dhe të lërë pas tubacionet dhe lëndët djegëse fosile, ndërsa Athina po vendos lidhje të reja ndërkombëtare në çdo drejtim.
Korridoret e energjisë së gjelbër do të zëvendësojnë tubacionet që kalojnë Europën nga lindja në perëndim dhe nga veriu në jug në drejtime pikërisht të kundërta. Burimet e reja të energjisë së gjelbër për Europën janë në jug dhe në të gjithë mesdheun, në Afrikën e Veriut dhe Lindjen e Mesme, dhe rruga për të arritur në Europë është përmes Greqisë.
Lexo edhe: Bloomberg: “Evropa ka më shumë gaz seç i duhet”
Sipas vlerësimeve të rrjetit të operatorëve europianë (ENTSO-E), përveç 23 gigavat të interkoneksioneve ndërkufitare të planifikuara deri në vitin 2025, Europa ka nevojë shtesë për 64 GW shtesë të ndërlidhjeve në 50 kufij të saj deri në vitin 2030 dhe 132 GW deri në vitin 2040.
Greqia vendosi kohë më parë dy lidhje strategjike ndërkombëtare, për të formuar një korridor të gjelbër të energjisë midis Europës, Afrikës së Veriut dhe Lindjes së Mesme, përkatësisht ndërlidhjen me Qipron dhe Izraelin dhe atë Greqi-Egjipt./ Ekathimerini
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto